الرئيسية > آش واقع > خاص. واش المغرب هو اللي حبط الانقلاب فالغابون؟ هاد الشي علاش المعارضة ضربات المغرب بالبوليساريو
09/01/2019 09:00 آش واقع

خاص. واش المغرب هو اللي حبط الانقلاب فالغابون؟ هاد الشي علاش المعارضة ضربات المغرب بالبوليساريو

خاص. واش المغرب هو اللي حبط الانقلاب فالغابون؟ هاد الشي علاش المعارضة ضربات المغرب بالبوليساريو

كود كازا ///

واش المغرب لعب دور حاسم فاحباط الانقلاب العسكري اللي فشل فالغابون اول صباح امس الاثنين 7 يناير 2019. هاد الشي قالتو “ماگريب انتليجانت” واكدو مصدر ل”كود”.

هاد الانقلاب وفق مصدر “كود” كان غير فعلة ديال المراهقين “باش ينجح انقلاب فدولة بحال الگابون خاص مواقفة فرنسا اولا ثم امريكا. هاد الانقلابيين ما خداو رأي لا هادو لا دوك، راهم غير حالمين ودارو تقميرة خسرو فيها”

مصدر “كود” اكد ان المغاربة عندهم حضور كبير فتأمين المطارات والمواقع الحكومية والسيادية بهاد الدولة الصديقة.

هاد الشي علاش تقلقات جزء من المعارضة المقيمة بباريس. قلال اييه ولكن دارو احتجاج وباش يضربو المغرب جبدو البوليساريو فشعاراتم “شوفو الصورة”.

هاد الشي ديال الحضور المغربي كيفسر علاش الملك محمد السادس مازال فهاد الدولة. دوز فيها راس العام مع العائلة وما قطعش الرحلة ديالو واخا الانقلاب. رئيسها علي بانغو عايش فالمغرب وجاوه كاع الوزرا ديالو للمستشفى العسكري اللي كيعالج فيه بعد اصابته بجلطة فالسعودية.

موضوعات أخرى

19/09/2019 09:00

تطور مثير فقضية حسابات «حمز مون بيبي». شدو مراسل لموقع إلكتروني يشتبه فكونه العقل المدبر للشبكة لي مخلطاها دعارة وابتزاز للمشاهير