الرئيسية > آش واقع > خاص. ها علاش الداخلية ما علناتش على استقالة الياس العماري وها اش كيقول القانون فهاد الشي
02/10/2019 09:30 آش واقع

خاص. ها علاش الداخلية ما علناتش على استقالة الياس العماري وها اش كيقول القانون فهاد الشي

خاص. ها علاش الداخلية ما علناتش على استقالة الياس العماري وها اش كيقول القانون فهاد الشي

كود طنجة ///

الياس العماري قدم استقالتو السبت اللي فات. “كود” كانت سباقة لنشر هاد السكوب بعد ما حط استقالتو فولاية جهة طنجة تطوان الحسيمة. دابا كتساءلو. علاش ما تمش الاعلان على هاد الاستقالة.

هاد الشي عندو علاقة بالقانون المنظم للجهات. فحسب مقتضيات المادة 62 من هاد القانون، فإن استقالة إلياس العماري من رئاسة جهة طنجة تطوان الحسيمة تصبح نهائية بعد مرور 15 يومًا من توصل وزارة الداخلية بالاستقالة.

وأكدت مصادر گود أن وزارة الداخلية توصلت رسميا بالاستقالة يوم الاثنين 30 شتنبر الماضي، ما يعني أن أثر هذه الاستقالة غادية يصبح ساري المفعول بدءًا من منتصف شهر أكتوبر الحالي. نهار 15 اكتوبر.

بعد هاد التاريخ الداخلية غادية تعلن باللي منصب رئيس الجهة شاغر وباللي خاص يتم تكوين مجلس الجهة، وغادية تحدد موعد انتخاب من سيخلف رئيس مجلس الجهة ونوابه، وغادية تفتح باب الترشيح لرئاسة الجهة لمدة خمسة أيام.

وينتظر أن يحتدم الصراع بين أحزاب الپام والاستقلال والأحرار على الرئاسة، في ظل غموض موقف البيجيدي وعدم إعلان توجهاته لحد الآن.

دابا الجهة وفق ما علمته “كود” خاوية على عروشها من صحاب الياس العماري. كاينين غير الموظفين اللي كيجيو للجهة. ما بقى حتى حد من ناس الياس ومستشاريه كيدور فيها

موضوعات أخرى