كود كازا /////

البارح سولات “كود” رئيس الباطرونا ديال الصبليون انطونيو كاراميندي على واش منظمتو كتدعم الاستثمار فالصحرا، ردو كان واضح. كل شركة تستثمر فين بغات. “كود” دابت ليكم شركة كبيرة صبليونية ديجا بدات استثمارها فالصحرا وبالخصوص فمدينة الداخلة.

يتعلق الامر بشركة “Moeve اللي كان اسمها CEPSA وهي شركة تأسسات ف1929 ومتخصصة فالطاقة والبترول… هاد الشركة حسب معطيات حصلات عليها “كود” داخلة مع شركة “طاقة” اللي فالمغرب وهي شركة اماراتية، فمشروع كبير فهاد لمدينة الزوينة اللي فالصحرا. حجم الاستثمار حسب معطيات “كود” 6 مليار دولار.

الصبليون بداو الاستثمار فالصحرا. كيعرفو المنطقة من الاحسن يسبقو الميريكان ولفرانسيس.