كود -وكالات//

فأول دراسة كبيرة من نوعها فـ2026، كشف موقع Diversual  على خريطة مفصلة للحياة الجنسية فإسبانيا، دارتها عالمة الجنس” باربرا مونتيس ولوسيا خيمينيز“ اعتماداً على كثر من 5400 استمارة، النتائج كانت مفاجئة فبزاف ديال الحالات، حيث بيّنات تفاوت كبير بين المقاطعات فالنشاط الجنسي، النشوة، وحتى الخيانة الزوجية.

بالنسبة لمتوسط العلاقات، كيمارسو الإسبان الجنس تقريباً 5.9 مرات فالشهر، ولكن هاد الرقم كيختلف بزاف حسب المنطقة،مقاطعة ”ليدا“جات فالأولى بـ7.2 مرات فالشهر، من بعدها كاسيريس بـ7.0 ومورسيا بـ6.9، أمل سالامانكا هي الأقل غير بـ4.2 مرات فالشهر.
الغريب أن سالامانكا، وخا قلة النشاط، هي الأولى فالنشوة الجنسية بنسبة 87.5%، يعني “قليل ولكن بنين”،وعلى الصعيد الوطني، 79.3% قالو انهم  كيوصلو للنشوة بانتظام، ولكن كاين فرق واضح بين الرجال (88%) والعيالات  (66.5%). أما زامورا هي الأقل بـ69.2% ومن بعدها لوغو بـ69.6%.

بالنسبة للخيانة الزوجية، الدراسة بيّنات أن 31.7% من الناس اللي فـعلاقات مستقرة اعترفو بالخيانة، بنسبة وصلان عند العيالات بـ33.9%،منطقة بورغوس كانت اللولة بنسبة كبيرة 52.2%، من بعدها تينيريفي بـ47.7% وسالامانكا بـ46.4%. بالمقابل، كوينكا هي لي وفية  بـ16.1%، ومن بعدها لا ريوخا بـ16.2%.

فالخيال الجنسي، الجنس الثلاثي هو الأكثر انتشاراً بنسبة 58.9%، ومدينة فالنسيا هي الأولى فيه بـ83.3%. وبالنسبة للبورنو، الفراجة فالمتوسط هو 6.9 أيام فالشهر، مع فرق كبير بين الرجال (9.8 أيام) والعيالات (2.5 يوم).

وأخيراً، كيبان تأثير العصر الرقمي باين، حيث 74.3% كيشوفو أن التعارف الجنسي ولى ساهل كثر من قبل، و 60% كيستعملو تطبيقات باش يتلاقاو مع ناس جداد.