الرئيسية > آش واقع > خاص.. مقرب من رئيس الحكومة لـ”كود”: الحجر الصحي الشامل يمكن نرجعو ليه فهاد الحالة ويلا مدرناش الصرامة غادي نعانيو شويا وشوفو الصين كيفاش تغلبات على كورونا لكن حنا ماشي دولة استبدادية
30/10/2020 13:00 آش واقع

خاص.. مقرب من رئيس الحكومة لـ”كود”: الحجر الصحي الشامل يمكن نرجعو ليه فهاد الحالة ويلا مدرناش الصرامة غادي نعانيو شويا وشوفو الصين كيفاش تغلبات على كورونا لكن حنا ماشي دولة استبدادية

خاص.. مقرب من رئيس الحكومة لـ”كود”: الحجر الصحي الشامل يمكن نرجعو ليه فهاد الحالة ويلا مدرناش الصرامة غادي نعانيو شويا وشوفو الصين كيفاش تغلبات على كورونا لكن حنا ماشي دولة استبدادية

عمـر المزيـن – كود الرباط//

لمح مقرب من رئيس الحكومة، سعد الدين العثماني، إلى إمكانية عودة المغرب إلى الحجر الصحي الشامل بسبب عدم استقرار الحالة الوبائية وتسجيل إصابات مقلقة بفيروس “كورونا” المستجد.

وأوضح المسؤول الحكومي، في تصريح لـ”كود”، قائلاً: “لحدود الآن مكاينش هاد الخيار للعودة إلى الحجر الصحي الشامل ونتمنى أن يتحسن الوضع الوبائي لكن كنشوفو بعض الدول رجعات ليه ومكانتش كتقول بأنها غادي ترجع ليه”، في إشارة واضحة منه لفرنسا وبعض الدول التي عادت إلى فرض الحجر الصحي لمواجهة “كورونا”.

وأضاف المسؤول الحكومي: “راه يلا وصلنا لحالة وبائية كبيرة جدا وواسعة وأصبحت المنظومة الصحية عاجزة كما الآن في بعض الدول راه يمكن نرجعو للحجر الصحي الشامل، وهادشي ماشي مستحيل. والآن عندنا قرارات محلية والحالة الوبائية مقلقة لكنها ماشي خطيرة”.

وزاد قائلاً: “نتصور أنه بقدر ما تنفرج الأمور وتتراجع الحالات الوبائية يتم التراجع عن بعض الإجراءات تقدر تمشي فالاتجاه ديال انتشار الحالة الوبائية وتقدر تكون قرارات الحجر الصحي تبدا تكثر. والحجر العام هو مستبعد لكن لقدر الله والمغاربة محتاطوش ومراجعوش السلوكيات ديالهوم بأخذ الاحتياطات الاحترازية وعندنا حالة وبائية شاملة وتنذر بالخطر أكيد السلطات يمكن تمشي لما هو أخطر”.

ويرى المسؤول الحكومي أن “الحالة الوبائية دايرة بحال الميزان وميمكنش نكونو كنسجلو حالات قليلة وحالات شفاء وتسد على الناس في معاشهم اليومي”.

وأضاف: “راه يلا رجعو عندك المئات من الإصابات ببعض الجهات راه خاصك تدخل الناس وتسد عليهوم، وهادشي فيه الكر والفر والمد والجزر. وللأسف هادشي ماشي بالأماني لكن مكرهين انديرو هادشي. الأمور الصحية كنعطيوها الأسبقية على كول حاجة والدول التي استهترت جابتها فراسها”.

وختم المقرب من رئيس الحكومة حديثه مع “كود” بالحديث عن خطة دولة الصين في التغلب على الوباء، وقال: “الصين كتدير الحجر بشكل قاسي وعندها حجر صحي حديدي لكن حنا ماشي دولة استبدادية باش انديرو بحالها  لكن بصراحة هادشي كيبغي الصرامة. ويلا مدرناش الصرامة غادي نعانيو شويا”.

موضوعات أخرى

01/12/2020 18:30

ضربة أمنية كبيرة للبوليس المغربي بالتعاون مع نظيره الأمريكي. حجز شحنة مهمة ديال الكوكايين فطنجة ساوية فلوس صحيحة – تصاور