سعيد الشاوي كود كازا //

واش رجال حرمو ضد القانون؟ حسب ما جمعته “كود” لوطيلات اللي تابعة للجدارمية مزال خدامة بالنظام لقديم وتطلب كاغط ديال الزواج لشي كوبل باغي غرفة.

مسؤول احد الفنادق قال ل”كود” باللي ما فاهمين والو. كيفاش فالمدن وصلهم ميساج من البوليس باش ما بقاوش يطلبو الكاغيط فالمقابل ما وصلهم والو من الجدرامية.

دابا خاص اي زبون طلبوه منو يدعي مول لوطيل وحتى الجدرامية.

وزير العدل عبد اللطيف وهبي فاخر شهر ماي 2024 قال فمجلس المستشارين باللي مطالبة الفنادق للمواطن يدلي بعقد الزواج قبل ما يوافق يعطيهم شامبر فلوطيل “عمل دون سند قانوني”. ماشي قانوني يعني. مشى اكثر واكد باللي اللي كيطلب هاد الوثائق “مخالف للقانون” وخاص متابعتو “قضائيا”.