كود كازا ///
كشفت مصادر من السلطات المحلية ل”كود” عن اسباب اغلاق محل تشهر بزاف فكازا وهو “بلبن” اللي كاين فزنقة القاضي الياس فالمعاريف. حسب مصادر “كود” فالمحل عندو غير رخصة لبيع المثلجات وما عندوش “اعداد وبيع الوجبات”.
حسب مصدر السلطات المحلية ل”كود” فان لجنة مشتركة مشات عندو ول البارح لثلاث ودارت تقرير وعليها سدات ليه مؤقتا حتى يقاد امورو.
لكن الخطير فهاد الشي وفق مصدر “كود” فهو انو تم اتلاف شي مائة كيلوغرام منتجات حليبية ما معروفش مصدرها وهاد المنتجات ما عندهاش التراخيص الصحية اللازمة اللي كتعطيها “لونسا”
مصدر “كود” هدر على امور اخرى كتهم سلامة العاملين والزبناء
السؤال هو. علاش هاد اللجنة المشتركة تسنات هاد المدة كلها عاد خرجات. المدة اللي فتحات فيها هاد الشركة فرعها فالمغرب. كيفاش خلات لمغاربة يستهلكو هاد المنتجات ثم واش المشكلة الامنية اللي دارتها “بلبن” هي اللي خلات هاد اللجنة تتحرك.
