كود كازا ///
علمت “كود” ان الرئيس الفرنسي ايمانويل ماكرون ختار غدا 30 يوليوز 2024 بمناسبة عيد العرش غادي يعلن على موقف بلادو الجديد من مغربية الصحرا.
رئيس فرانسا ختار هاد المناسبة باش يكشف علي دعمو لمغربية الصحرا فتحول كبير من هاد الدولة اللي ديما كانت داعمة للمغرب فهاد القضبة باستثناء سنوات ماكرون الاولى اللي فضل الجزائر على شريكو الاستراتيجي.
وكان موقع “لوديسك” الاخباري كشف بللي هاد الموقف غادي يكون فرسالة يرسلها ماكرون لسيدنا فعيد العرش٬ واضاف الموقع الاخباري باللي هاد الرسالة غادي يخرج مضمونها خلال الخطاب الملكي د عيد العرش اللي تأكد بللي غادي يكون الليلة 29 يوليوز مع التسعود الليل
العلاقات المغربية الفرنسية تقادات مؤخرا وبدات ترجع شوية شوية لسابق عهدها.
وكانت الجزائر اول دولة كشفات على هاد التحول فموقف فرانسا من الصحرا باش خرجات خارجيتهم بيان يدين هاد الموقف
