كود الرباط//

توصلت “كود” بوثائق التحقيق الوزاري لي تدار حول ما يوصف اعلاميا بـ”تزمامارت الثقافة 2″ بخصوص تجاوزات قانونية و انتهاكات من المدير بنيابة المكتبة الوطنية السابق ف حق مسؤول داير خدمتو ورفض تفويت المؤسسة لتيار سياسي و إنوطي متمردين نقابيين كيف بغاو ف واحد المصلحة.

الجزء الاول من الوثائق لي توصلت بيه “كود”  فيه شي حاجة ف شي شكل: أولا محضر مبارة بلغة غريبة بحال “الفائزين”، و الثانية هي أن رئيس مصلحة تعرض  لقدف و إساءة من رئيس قطب الشؤون الإدارية ف 22 دجنبر 2017 وباش اتنصف، وجه الضحية تظلم ف الموضوع للمسؤول المؤقت ديك ساعة و تجاهلها، و المصيبة ان رئيس المصلحة هضم الاهانة و رسل لرئيسة القسم رسالة نهار 2 فبراير 2018 باش تحدد موعد اجتماع تقديم مخطط عمل سنة 2018 للمرؤوسين المتمردين, و الجواب غيجيه ميساج إعفاء ليلة 12 فبراير 2018 من نمرة د لافلوط د المكتبةب 0661 من مسؤول.

والغد ليه غيلقى نفس رئيس المصلحة رسالة تخبره انه تقرر “اعفاءه”، و لكن هاد البراية غتستنتج تحقيقات الوزير من بعد أنها غير قانونية و توقعات بلا قرار و بلا تعليل كيف تيقول المرسوم د 2011 لي على أساسو قبلاتها الوسيط نهار لاول و فتحات البحث لي غيدين التهاني و صحابو ف هاد الغيس و التجاوزات و غيتلغا الإعفاء”.

حسب مصادر “كود”  :” هاد ميساجات ديال استغلال النفود و التحقير لي تأكدت كود أن لي مسيفطها هو نفسو لي عربد على نشاط لنقابة المحامين،  ومن ثم هاد القضية لي كتحماض د الكاميرات على رئيس المصلحة د البناية “.

وتقول مصادر “كود” أنه “من بعد فعلا شدات عليه الماكينة الإدارية المروضة ديال المدير الجديد الفران “شبهات د  الزور و إهمال و منح مجاملات لشركات جارديناج على حساب المكتبة الوطنية”، واش مخصش الفران و بنسعيد اتحملو مسؤوليتهم مع هاد لفضايح د هذا لي تيقول ل مسؤول “حمار و حيوان” و لي معاه ؟ أش كيساينو باش إحيلو نسخة من تقرير التحقيق د الوزارة للنيابة العامة كيف طالبو المتضررين و كتفرض حاجيات الامن الاداري و توجيهات ربط المسؤولية بالمحاسبة ف مؤسسة عندها رمزية كبيرة عند سيدنا و النخبة المثقفة د لبلاد؟.