الرئيسية > آش واقع > خاص. بنكيران جاي للمؤتمر الاستثنائي للبي جي دي وها المرشحين لي قادرين ينقذو الحزب من كوارث بنعرفة وصحابو
17/10/2021 12:30 آش واقع

خاص. بنكيران جاي للمؤتمر الاستثنائي للبي جي دي وها المرشحين لي قادرين ينقذو الحزب من كوارث بنعرفة وصحابو

خاص. بنكيران جاي للمؤتمر الاستثنائي للبي جي دي وها المرشحين لي قادرين ينقذو الحزب من كوارث بنعرفة وصحابو

كود الرباط //

علمت “كود” أن عبد الإله بنكيران، رئيس الحكومة السابق والأمين العام السابق لحزب العدالة والتنمية، عندو رغبة يحضر للمؤتمر الاستثنائي اللي غادي يتنظم نهاية هاد الشهر.

بنكيران، حسب مقرب منه تحدث مع “كود”، باغي يحضر لهاد المؤتمر الاستثنائي لي غادي ينتخبو فيه المؤتمرين قيادة انتقالية حتى للمؤتمر العادي.

وحسب مصادر “كود” بنكيران دار عملية جراحية ناجحة ف فرنسا، وصحتو كتحسن، وهادشي غايخليه يرجع للحيوية السياسية ديالو.

فهاد المؤتمر، كولشي كيقلب على منقذ جديد لسفينة البي جي دي لي غرقات بتسونامي 8 شتنبر.

حاليا، كيروج ف كواليس قيادات البي جي دي، أسماء عندها مقومات لقيادة الحزب وإنقاذه قبل فوات الأوان، من ضمنها إدريس الازمي الادريسي، اللي معروف انه محسوب على تيار بنكيران، والاسم الثاني عزيز العماري عمدة كازا السابق، للي عندو إجماع ورجل تنظيم، وكيعرف يدبر التوازنات.

صحاب العثماني تاهوما غادي يقلبو على شي بروفايل يدعموه، باش يدافعو على مرحلتهم وفشلهم في استحقاقات 8 شتنبر.

مؤتمر البي جي دي غايكون بطعم خاص، يا ينوض البي جي دي ويفيق ويقوي راسو، يا غايطيح مرة واحدة.

موضوعات أخرى

03/12/2021 19:30

على زواج رجال التعليم ولفقها بالدريات القاصرات.. عصيد لـ”كَود”: كاين استعمال الدين لتبرير هاد الظاهرة والدراسة اللي تدارت مهمة وخاص ننطالقو منها لمحاربة هادشي مع تأهيل فقهاء وأئمة تنويريين