كود اسماء غربي ///

علمت “كود” ان توقيف صحافي اذاعة راديو مارس عادل العماري لمدة 3 ايام بعد رده على مستمعة هدرات على ماتش المغرب ضد البينين وقال ليها سيري ديها فبرامج شوميشة وخلي عليه الكورة٬ ماشي هو القرار النهائي للمؤسسة المالكة للاذاعة. وفق مصدر “كود” فان مباركة بوعيدة المساهمة الرئيسية فهاد الاذاعة واللي كيدافع على لمرا وحقوقها٬ طلع ليها الدم بزاف واتصلات بالمسؤولين.

وفق مصدر “كود” فان عقوبة الصحافي غادية تكون اكبر. هاد الاجراء طبعا قبل بث الهاكا فهاد الحادثة. شكايات وصلات للهيئة العليا للاتصال السمعي البصري على هاد الواقعة. زهرو ان لطيفة اخرباش رئيسة الهاكا حتى هي مرا وديما عندها حساسية ضد هاد الميزوجينات.

واش العقوبة تقدر توصل حتى فسخ العقد بين الاذاعة والصحافي؟ “كلشي ممكن رد مصدر ل”كود”.