كود -وكالات//
بدات كوريا الجنوبية كتجرب أول “بوليسي هولوجرام” فتجربة كتجمع بين الذكاء الاصطناعي وتقنيات العرض ثلاثي الأبعاد، باش تعزز الأمن وتحارب الجريمة فقلب العاصمة سيول.
هاد البوليسي الرقمي كيبان كل نهار من السبعة ديال العشية حتى للعشرة بالليل التابعة لمنطقة جونغ ،الطول ديالو كيوصل 1.70 متر، ولابس الكسوة الرسمية ديال البوليس،و كل جوج دقايق كيعاود يبان باش يوجه للناس، ويذكرهم باللي المنطقة مراقبة بالكاميرات (CCTV).
وحسب المسؤولين، المشروع عطى نتائج مشجعة، حيث نسبة الجريمة فالمنطقة هبطات ب 22% من بعد ما خدم هاد النظام.
وكيشوفو مختصين أن هاد التجربة ممكن تفتح الباب قدام أسلوب جديد فاستعمال الذكاء الاصطناعي وتقنيات المراقبة فحماية الأمن العام، وإذا بقات النتائج إيجابية، فمن المحتمل يتم تعميمها فمناطق أخرى وسط كوريا الجنوبية.
