الرئيسية > آش واقع > خاص..بالوثيقة: مكتب محاماة الوزير أمكراز كياخد 100 ألف دهم سنويا من مجلس جماعة أولاد تايمة ومصدر يوضح لـ”كود”: الملفات لي خسر أغلبها بسبب أخطاء الإدارة
07/07/2020 07:30 آش واقع

خاص..بالوثيقة: مكتب محاماة الوزير أمكراز كياخد 100 ألف دهم سنويا من مجلس جماعة أولاد تايمة ومصدر يوضح لـ”كود”: الملفات لي خسر أغلبها بسبب أخطاء الإدارة

خاص..بالوثيقة: مكتب محاماة الوزير أمكراز كياخد 100 ألف دهم سنويا من مجلس جماعة أولاد تايمة ومصدر يوضح لـ”كود”: الملفات لي خسر أغلبها بسبب أخطاء الإدارة

هشام اعناجي – كود الرباط//

وزير الشغل، والقيادي فالعدالة والتنمية، محمد أمكراز، الكاتب العام ديال شبيبة الحزب، عندو مكتب محاماة كان شاد صفقة مع مجلس جماعة ولاد تايمة (هوارة) لي كيسيرها الحزب ديالو.
مكتب امكراز ، حسب مصدر من المجلس الجماعي ل”كود”، وقع اتفاقية مع المجلس من فاتح يناير 2020 إلى غاية دجنبر 2020.

يعني هاد الاتفاقية توقعات بعدما ولى امكراز وزير الشغل بأشهر قليل، خصوصا وأن امكراز تعين في اواخر 2019، وهنا ماشي مسؤول نهائيا على الصفقة وفق القانون.

مصدر مسؤول بالجماعة كشف لـ كود” حقيقة ما يتم ترويجه، ونفى أن يكون الملبغ هو 10 مليون شهريا، موضحا :”هادشي كذوب”.
وأضاف المسؤول أن الاتفاقية (حصلت “كود” على نسخة منها) والتي وقعت مع عباس المدني، عضو هيأة المحاماة بأكادير لي هو كيسر مكتب امكراز، الاتفاقية فيها مبلغ 100 ألف درهم”.

وأفاد المتحدث ل”كود” أن مكتب المحاماة التابع لأمكراز شاد مع الجماعة 366 ملف، مضيفا “هناك ملفات تحتاج لخبرة
مثال نزع ملكية 58 ملف، مثلا شارع واحد قادينها فيه 23 ملف نزاع ملكية، وطلب القضاء من المحامي الخبرة المالية لكل ملف مع العلم أن كل ملف يحتاج تقريبا 1000 درهم وهادشي على حساب المحامي”.

وبخصوص خسارة عدد كبير من الملفات، قال المصدر الموثوق لـ كود” :” أغلبها قضايا الاعتداء المادي ماشي بالضرورة خسرهم وكاينين لي فالاستئناف”، مضيفا :”ترويج اغلب الملفات خسرهم كلام غير صحيح، لكن بعض الملفات خسرناها ولا يتحمل هو المسؤولية بل الإدارة”.

وتابع مصدر كود” كيشرح هاد المسألة بالقول :”مكتب المحاماة دخل في ملفات كانت مرونة ويتحمل فيها المجلس السابق مسؤولية كبيرة ولم يكن فيها حرص من الادارة باش مايوقعش الاعتداء المادي”، مضيفا :@مثلا دارو قرارات بلا نزع الملكية، الخطأ ترتكب من الاول وملفات تعالجو بطريقة مافيهاش الحكامة ودبا كيتقادو”.

وأوضح المصدر نفسه ل”كود” :”المحامي كيدير مجهود ديالو، وهناك اخطاء ارتكبتها الادارة بلاصت تجنيب الجماعة اخطاء غير سليمة، تفاجأنا كثير بالاخطاء التي وقعت في المجلس السابق ولكن راه صعيب تحملو لمكتب محامي”.

موضوعات أخرى

07/08/2020 17:00

المغرب مكانش موجه لسياحة الشباب وماموفر ليهم والو ومع ذلك فأزمة كورونا راه هوما لي لقاهم.. شباب أجانب حصلو فالمغرب كيحطو فيديوات زوينة كتعرف بالمغرب وبثقافتو وكيديرو اشهار كبير ومهم للسياحة

07/08/2020 15:30

سفير لبنان فالمغرب كيشكر الملك محمد السادس على المساعدات الإنسانية اللي سافط لبيروت: هذي مبادرة ملكية كريمة واللبنانيين تعودو على وقوف المغاربة فجنبهم