عمـر المزيـن – كود///

خرج المتطرف الحسن الكتاني بتدوينة جديدة على صفحته بمواقع التواصل الاجتماعي “فايسبوك”، وناض كيوجه فيها اتهامات صريحة لأعضاء اللجنة المكلفة بمراجعة مدونة الأسرة المعينة من طرف الملك محمد السادس.


وجاء فهاد التدوينة ديال هاد المتشدد الكتاني: “نحن لسنا متفائلين من مخرجات لجنة تعديل قانون الأسرة لكون القائمين على ذلك من المعادين للإسلام وأحكامه، والمستهينين بالكتاب والسنة وكلام أئمتنا”.

وأضاف فهاد الكلام الخطير: “لن نسكت عن أي قانون مناقض لشرع الله. إن شاء الله. وسنبين للشعب المغربي أنه حكم باطل لاغ لا يجوز اعتباره ولا الالتفات إليه لأن شريعة الله تعالى فوق كل قانون”.

النيابة العامة دبا خاصها تتحرك بسرعة واليوم قبل غدا باش تفتح بحث قضائي مع هاد الكتاني وحتى مع الناس اللي كيمجدو دبا فهاد التدوينة المنشورة على الفايسبوك، ويبقى عبرة لباقي المتطرفين اللي كيهضرو على سيادهم بحال عبد النباوي والداكي.