كود كازا ///

علمت “كود” ان المغرب مازال مستمر فتعاونو الامني خاصة فالارهاب مع الجارة الشمالية اسبانيا. حسب مصدر “كود” هادا قرار سيادي ديال بلادنا ولكن لحد الان مازال كاين تعاون.

مصدر “كود” هدر على العلاقة المزيانة مع الاسبان فهاد الميدان. اي ان وزارتي الداخلية ديالهم وديالنا الامور بيناتهم مزيانة. الوزير الاسباني مارلاسكا لحد الان ما خرجش من فمو شي كلام كيسيء للمغرب. فالبرلمان فتصريحاتو الاذاعية او للقنوات او للصحف ديما كيشدد على ضرورة التعاون المغربي الاسباني. السيد عارف قيمة المغرب.

المشكلة حسب مصدر “كود” مع وزارة الخارجية ديالهم. لايا گونثاليث زعيمة الديبلوماسية الاسبانية هي اللي شعلات العافية وزادت وزيرة الدفاع ديالهم نفخات فيها.