الرئيسية > آش واقع > خاص. الصبليون اول دولة واقفة علينا فالماسكات. اليوم وزيرة الصناعة الاسبانية غادية تتاصل بمولاي حفيظ العلمي ومنافسة اوربية على كمايمنا
08/04/2020 08:34 آش واقع

خاص. الصبليون اول دولة واقفة علينا فالماسكات. اليوم وزيرة الصناعة الاسبانية غادية تتاصل بمولاي حفيظ العلمي ومنافسة اوربية على كمايمنا

خاص. الصبليون اول دولة واقفة علينا فالماسكات. اليوم وزيرة الصناعة الاسبانية غادية تتاصل بمولاي حفيظ العلمي ومنافسة اوربية على كمايمنا

كود هناء ابو علي كازا ///

علمت “كود” ان الصبليون باغيين المغرب يبيع ليهم ليماسك. هاد الشي علاش هاد اليوم على حساب ما توصلات بيه “كود”٬ غادي يكون لقاء طبعا بالفيديو كونفيرانس٬ بين مولاي حفيظ العلمي وزير الصناعة والتجارة والتكنلوجيات والحديثة والاقتصاد غير المهيكل وبين رايس ماروطو وزيرة التجارة والصناعة والسياحة الاسبانية.

وفق مصدر “كود” هاد الاجتماع غادي يتناول من بين اهم المواضيع امكانية تصدير المغرب للكمامات للجارة الجنوبية.

المغرب وفق مصدر “كود” غادي يبدا يصدر الكمامات اللي باينين غاديين يكونو جزء من لباس مواطني العالم خاصة اوربا حتى بعد العودة التدريجية للحياة.

وفق مصدر “كود” فدول مثل المانيا وايطاليا وفرانسا بالاضافة الى اسبانيا باغيين كمامات صنع المغرب حتى هما.

يتوقع وفق مصدر “كود” ان يكون تصدير اول ماسكات لاوربا وخاصة اسبانيا فاخر هاد الشهر.

العلمي كان قرر يمنع تصدير الكمامات حتى نغطيو الانتاج الداخلي. داب ولى اجباري نديروهم وكاين دعم ليهم باش الثمن يكون مناسب.

وزير التجارة والصناعة كان اكد البارح فالاولى” ان المغرب كيصنع اكثر من 3 مليون كمامة يوميا وانه نهار الثلاث الجاي غاديين نوصلو مع اكثر من 5 مليون كمامة

موضوعات أخرى

02/06/2020 08:55

واش بصاح سوق الجملة دالخضرة ولى “بؤرة” لكورونا فيروس؟ مصدر ل”كود”: كاينة مبالغة كبيرة وراه لحد الان كاين 6 حالات فسوق فيه 30 گطار ويقدر يدخلو 50 الف فنهار واحد