عمـر المزيـن – مكتب الرباط//

علمت “كود”، من مصادر جمركية، أن الإدارة العامة ديال الجمارك غادي تدخل فالقضية التي يتابع فيها عبد الرفيع زويتن، الباطرون السابق ديال المكتب الوطني للسياحة، ورئيس مهرجان فاس للموسيقى العالمية العريقة، وهي القضية اللّي معروضة حاليا على أنظا قاضي التحقيق بالغرفة الأولى بمحكمة الاستئناف بفاس.

وحسب المصادر نفسها، لـ”كود”، فإن الديوانة غادي تدخل فالفضيحة المالية اللي هزات مؤسسة “روح فاس” المكلفة بتنظيم مهرجان فاس حقاش المسألة فيها تحويلات ديال فلوس بالعملة بدون سلك المساطر لقانونية الجاري بها فالعمل فهاد الشأن، ومن بينها المرور على مكتب الصرف.

وكانت “كود” قد انفردت بنشر فضيحة كراء زويتن لطائرة خاصة أقلته رفقة ابنته من فاس إلى ميلانو ذهابا وإيابا بمبلغ 46 ألف يورو. هاد الطيارة خلصها من المالية ديال مهرجان فاس ومني فجرات كود هاد لفضيحة ناض يرجع لفلوس بالدرهم إلى رصيد المؤسسة، في الوقت الذي يعتبر بعض أعضاء مؤسسة روح فاس أن هاد التحويل بمثابة إجراء لا يغطي مسؤولية المؤسسة تجاه مكتب الصرف.