الرئيسية > آش واقع > خاص الداخلية تدخل بالزربة.. شخص دار فيديو عامر كذوب واتاهم الوزارة بمساندة “الأحرار”
07/09/2021 12:30 آش واقع

خاص الداخلية تدخل بالزربة.. شخص دار فيديو عامر كذوب واتاهم الوزارة بمساندة “الأحرار”

خاص الداخلية تدخل بالزربة.. شخص دار فيديو عامر كذوب واتاهم الوزارة بمساندة “الأحرار”

أحمد الطيب – كود //

فيديو خطير بزاف كيروج منذ الساعات الماضية على مواقع التواصل الإجتماعي ويتم تداوله بين مستعملي “واتساب”.

هاد الفيديو بان فيه شخص يوجه اتهامات خطيرة لوزارة الداخلية ومصالحها اللي كتسهر على السير العادي للانتخابات.

وفهاد الفيديو كيقول الشخص المعني، واللي أعلن دعمه لحزب اليسار، أنه تفاجئ بمراسلة (جوا) جاتو للدار وفيها معلومات على فين غادي يصوت والإسم ديالو والمعلومات عليه، وداخل داك الجوا لقا منشور لحزب التجمع الوطني للأحرار بمقاطعة أكَدال فـ فاس.

“كَود” هضرات مع مسؤول بوزارة الداخلية اللي أكد أن هادشي ماغاديش يقبلو العقل، نافيا بشكل قاطع هاد الإدعاءات والمزاعم اللي جات فالفيديو المذكور.

دبا خاص وزارة الداخية تحرك وتفتح اونكيط باش الصورة ديالها تبقى مزيانة فهاد الظرفية، وتبقى محافظة على جو من التنافس الشريف بشكل متساوي بين جميع المرشحين بمختلف أطيافهم السياسية.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم