الرئيسية > آراء > خاص الاجهاض يكون متاح لجميع العيالات المغربيات ! ماشي سندس بنت الرباط لاباس عليها كاتمشي عند الدكتور الفرتلاني كايدير ليها العملية تحت الرعاية والمراقبة الطبية فالكلينيك كاتخرج صحة سلام وحجيبة من خميس متّوح كاتمشي عند شي فرملية تقتلها فشي گاراج و لا تبقا هاكاك تانلقاو ولدها مليوح فشي طارّو د الزبل!
29/09/2022 19:00 آراء

خاص الاجهاض يكون متاح لجميع العيالات المغربيات ! ماشي سندس بنت الرباط لاباس عليها كاتمشي عند الدكتور الفرتلاني كايدير ليها العملية تحت الرعاية والمراقبة الطبية فالكلينيك كاتخرج صحة سلام وحجيبة من خميس متّوح كاتمشي عند شي فرملية تقتلها فشي گاراج و لا تبقا هاكاك تانلقاو ولدها مليوح فشي طارّو د الزبل!

خاص الاجهاض يكون متاح لجميع العيالات المغربيات ! ماشي سندس بنت الرباط لاباس عليها كاتمشي عند الدكتور الفرتلاني كايدير ليها العملية تحت الرعاية والمراقبة الطبية فالكلينيك كاتخرج صحة سلام وحجيبة من خميس متّوح كاتمشي عند شي فرملية تقتلها فشي گاراج و لا تبقا هاكاك تانلقاو ولدها مليوح فشي طارّو د الزبل!

سهام البارودي – كود//

الاجهاض غير قانوني فالمغرب و بزاف كايشوفو “حرام” و لكن غير قانوني و حرام غا عند المزاليط ! لي لاباس عليهم فاش كاتحمل و ماكاتكونش باغا الدرّي كاتاخد رونديڤو فالكلينيك و كاتمشي تحيدو تحت الرعاية الطبية، الفلوس موجودة و الاطباء لي كايديرو الاجهاض معروفين فالمدن !

شكون كاتبقا حاصلة ؟

كاتبقا حاصلة ديك المقودة عليها گاع ! المسخوطة ! عوجة الأيام ! ديك المحفحفة لي حتى الصاحب لي يعتقها و لا الصاحبة لي تصوڤيها ماكاينينش ! العائلة خلاص كاتلقاها مباطيا الروكور فالزلط ! ديك المگردة لي ماتكساب تا عشا ليلة هاااديك هي لي كاتحمل و تبقا حاصلة فيه ! لا طارت طارت كاتقوّر باش تشري العشوب تحاول طيحو و فاللخر يا إيما كاتمشي عند شي فرملية تقتلها فيها فشي گراج ، يا إيما كاتولد و تلوح الدرّي فالطارو د الزبل.

هادشي علاش الاجهاض خاصو يكون قانوني و متاح فالسبيطارات العمومية ، و حتى الادوية لي كاتسهلو تكون متوفرة فالفارماسيانات حيت لا يعقل مرا حملات بالغلط ماعندهاش الحق تصصحو ، تبقا هازة داك الحمل بزز منها حيت المجتمع و الدولة بغاوها تبقا هازاه و كادّور بيه!

فاللخر كاتولد اطفال كايتكرفصو معاها و يكرفصوها ! اطفال ستيگماتيزي من الديبار كايتعايرو بكلمة ” حرامي” “ولد الحرام” “ولد الزنقة” آش بغيتي يخرج منهم من بعد ؟ الاطباء و المهندسين ؟ طبعا لا ! غايخرجو بؤساء ! كوزيطات كوزيطين يعاودو نفس المسلسل ديال مهم العامر بالفقر و الجهل و الميزيريا.

موضوعات أخرى

08/12/2022 21:36

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع