عمر المزين – كود///

علمت “كود” أن الأميرة لالة سلمى غادي تفطر مساء اليوم السبت بإحدى المطاعم المعروفة في المدينة العتيقة لفاس، واللي ديما كتجي ليه خلال شهر رمضان.

مصادر “كود” كشفت أن الأمر يتعلق بمطعم “عشق” المطل على المدينة العتيقة والمتواجد بحي عين زليتن، مشيرة إلى أنه ماشي هادي هي المرة الأولى اللي كتجي الأميرة لالة سلمى لهاد الطعم الزوين.

مطعم “عشق”، حسب مصادرنا، هو في ملكية 3 ديال لعيالات من فاس، ويتعلق الأمر بليلى بنجلون، ومونية الشاوني، ومنى الخمليشي اللي عزيزة على كولشي وكان عندها دور كبير في نجاح مشروع “عشق” اللي رجع قبلة للسياحة ولعشاق المطبخ المغربي وحتى العالمي.

مصادر “كود” كشفت أن مدام الشاوني المهندسة المعمارية المعروفة هي المقربة من الأميرة وصاحبتها وديما كتعرض عليها تجي عندها لفاس، إذ سبق لها أن زارت المطعم بتاريخ 16 دجنبر 2023 وقامت بزيارة أخرى خلال شهر رمضان الماضي وبالضبط بتاريخ 8 أبريل من سنة 2024.