عمر المزين – كود///

علمت “كود” أن الأميرة لالة خديجة والأميرة لالة سلمى جاو اليوم الأحد لفاس، ومشاو لمتحف البطحاء والقصر التاريخي دار المقري، وبعدها جامعة القرويين.

مصادر “كود” كشفت أن الأميرة لالة خديجة تغدات مع الأميرة لالة سلمى فمطعم “عشق” المعروف في المدينة العتيقة لفاس، واللي ديما كتجي ليه الأميرة لكن هاد المرة جات مع لالة خديجة.

مطعم “عشق” كاين فحي عين زليتن وماشي هادي هي المرة الأولى اللي كتجي ليه الأميرة لالة سلمى. هاد الريسطو كيقدم ماكلة مغربية أصيلة.

يذكر أن مطعم “عشق” هو في ملكية 3 ديال لعيالات من فاس، ويتعلق الأمر بليلى بنجلون، ومونية الشاوني، ومنى الخمليشي اللي كان عندها دور كبير في نجاح مشروع “عشق” اللي رجع قبلة للسياحة ولعشاق المطبخ المغربي وحتى العالمي.

مصادر “كود” كشفت أن مدام الشاوني المهندسة المعمارية المعروفة هي المقربة من الأميرة وصاحبتها وديما كتعرض عليها تجي عندها لفاس، إذ سبق للأميرة أن زارت المطعم بتاريخ 16 دجنبر 2023 وقامت بزيارة أخرى خلال شهر رمضان الماضي وبالضبط بتاريخ 8 أبريل من سنة 2024، وجات حتى ف شهر رمضان من سنة 2025، وتحديدا بتاريخ 29 مارس الماضي، وكانت جات بتاريخ 29 أكتوبر، واليوم جات مع الأميرة لالة خديجة.