الوالي الزاز -كود- العيون///
[email protected]
كشفت مصادر مطلعة لـ “كود” عن معطيات خاصة حول جهود قادها رئيس جهة العيون الساقية الحمراء، سيدي حمدي ولد الرشيد، في سبيل تكثيف الربط الجوي بين مدينة العيون وجهات وطنية، وكذا دولية بحال لاس بالماس.
ووضحات مصادر “گود”، أن رئيس جهة العيون، سيدي حمدي ولد الرشيد، تمكن من تحقيق مبتغاه وتعديل الإتفاقية اللي كتربط بين الخطوط الملكية المغربية بمجلس الجهة، بالإضافة لوزارة النقل واللوجستيك، وذلك باش تكون أكثر شمولية ودينامية وتلبي حاجيات ساكنة جهة العيون الساقية ومختلف شرائح المجتمع، واللي عندهم إلتزامات سواء أسرية أو مهنية أو دراسية أو مرضية بأسعار تفضيلية.
وأفادت مصادر “گود”، أن الإتفاقية اللي غادي يتم التمديد ديالها في الأيام القليلة المقبلة وواللي من المرجح تدخل حيز التنفيذ في الأول من يونيو الجاي، غادي تشمل إضافة جوج خطوط جوية بين أكادير والعيون باش تولي الرحلات في اتجاه أكادير على طول أيام الأسبوع (الإثنين والثلاثاء والأربعاء والخميس والجمعة والسبت والأحد).
وأضافت المصادر أن الإتفاقية الجديدة غادي يتم فيها الرفع من الربط الجوي بين الدار البيضاء والعيون باش تولي 14 رحلة جوية، علما بأن هاد الخط الجوي يعد الأكثر ربحية للخطوط الملكية المغربية وأكثر حتى من خط الدار البيضاء- باريس.
وتابعت المصادر أن الإتفاقية الجاية تشمل أيضا إحداث جوج خطوط جوية مع العاصمة الرباط باش تولي الرحلات الجوية أيام الاربعاء والجمعة وبتكلفة منخفضة لا تتجاوز 800 درهم، فضلا عن 3 نحو جزر الكناري، إذ يتوهى من خلال هاد الزخم فالرحلات الجوية إتاحة فرصة أكبر للساكنة باش تتفادى أي معيق لتنقلها مستقبلا، لاسيما الرباط اللي كانت الناس كتلقى صعوبة فالتنقل ليها.
ويشار أن مجلس جهة العيون الساقية الحمراء يعد أحد أهم الشركاء بالنسبة للخطوط الملكية المغربية على إعتبار أن الشراكة بيناتهم 12 سنة ومنذ 2012 تاريخ توقيع أول إتفاقية، علما بأن هاد الشراكة خلقات واحد الزخم إقتصادي مهم وحققات التكامل مع الدينامية التنموية التي تشهدها الجهة.
