سعيد بوناصر – كود //

تعرض بوليسي كيخدم فالمنطقة الإقليمية لأمن الناظور، البارح الأربعاء لمحاولة القتل العمد، من طرف واحد البزناس ديال الكوكايين معروف فحي “العراصي” وسط لمدينة.

وحسب مصادر محلية، هاد البزناس جاتو “الزعامة” حيث بغا ينتاقم من البوليس، اللي دارو قبل شي إيامات تدخل ضدو وماتوفقوش باش يشدوه.

البزناس روع سكات الحي اللي ولاو خايفين على ريوسهم وولادهم، يطيحو فيد هاد البزناس اللي مابقاش يقدر يوقف فطريقو شي واحد.

واليوم الساكنة وفعاليات المدينة، كيطالبو البوليس باش يسرعو من خدمتهم باش يجيبوه ويمشي فين يطيح كواريه، لأن التفرعين اللي ولا فيه ماكيخدم لصالح حتى شي واحد وكيهدد الأمن ديال كلشي.

البوليسي المذكور سلك اليوم من الموت على يد هاد البزناس المصنف خطير، ولهذا خاص يدارلو حد بسباب هاد الأفعال الإجرامية الخطيرة اللي كيدير.