گود سبور//

علمت الجامعة الملكية المغربية لكرة القدم، الجمهور اللي باغي يمشي يحضر ماتش المغرب ضد النيجر غدا الجمعة فتيران مولاي عبد الله بالرباط، ان الملعب غايتحل بكري.

وحسب الجامعة الملكية المغربية لكرة القدم، فالبيبان ديال تيران مولاي عبد الله غايتحلو غدا الجمعة مع 4 العصر، اي قبل بـ4 السوايع من انطلاق المباراة اللي غاتبدا مع 8 الليل، واكدت الجامعة ان اللي احتاجها الجمهور غايلقاها فالتيران باش يكون مرتاح.

وطالبت الجامعة الملكية المغربية لكرة القدم، من الجمهور اللي غايمشي الملعب الالتزام بالتوجيهات والتعليمات التنظيمية با يساهمو في إنجاح هذا الماتش.

ومن بعد هذا الشي راه خاص الجمهور يحافظ على التيران اللي غايتلعب فيه اول ماتش ملي راب وعاود تبنى، وخاص كلشي المشجعين يلتازمو في الملعب والى بان لهم شي حد فهرگاوا هرس شي حاجة او لاح الزبل فالأرض او ما گلسش فبلاصتو ولا دار شي سلوك سلبي ما ممقبولش بيلغو عليه.