الرئيسية > آش واقع > خاص. وزير الداخلية مكانش باغي يدخل فموضوع الحوار الاجتماعي وكان ضد الفكرة
07/01/2019 18:30 آش واقع

خاص. وزير الداخلية مكانش باغي يدخل فموضوع الحوار الاجتماعي وكان ضد الفكرة

خاص. وزير الداخلية مكانش باغي يدخل فموضوع الحوار الاجتماعي وكان ضد الفكرة

عمـر المزيـن – مكتب الرباط//
omarelmouzaine@gmail.com

وزير الداخلية، عبد الوافي لفتيت، مكانش باغي يدخل ف القضية ديال عودة المركزيات النقابية والحكومة إلى طاولة الحوار الاجتماعي لي وصل للباب المسدود. هادشي قالو مصدر مقرب من رئيس الحكومة سعد الدين العثماني لـ”كود”.

وأضاف المصدر، لـ”كود”، قائلاً: “وزير الداخلية كان ضد الفكرة باش يتدخل فهاد الموضوع لي بداه رئيس الحكومة والوزير ديال التشغيل لكنه العثماني قنعو باش يتواصل مع النقابات وبالتالي حطهوم ف الأمر ديال الواقع لإنجاح هاد الحوار الاجتماعي لي كانو انساحبو منو النقابات بسبب العرض الحكومي لي تقدم ليهوم كيف قالو”.

وزاد المصدر نفسه: ” وزير الداخلية لفتيت بطبيعة الحال تدخل فهاد الموضوع مراعاة للتعليمات ديال الملك الأخيرة لي دعا إلى مواصلة الحوار الاجتماعي بين الحكومة والنقابات مهما النتائج لي تقدر توصل ليها الجلسات ديال الحوار”.

موضوعات أخرى