الرئيسية > آش واقع > خاصنا نلبسو كماماتنا ونحتارمو التباعد باش نتفاداو السدان.. نشرة كورونا النصف شهرية: مع القضية خفافت والسفر والعراسات رجعو.. الإصابات طلعو ب61 فالمية والموت ب7,7 بالمقارنة مع السيمانة الفايتة
06/07/2021 18:30 آش واقع

خاصنا نلبسو كماماتنا ونحتارمو التباعد باش نتفاداو السدان.. نشرة كورونا النصف شهرية: مع القضية خفافت والسفر والعراسات رجعو.. الإصابات طلعو ب61 فالمية والموت ب7,7 بالمقارنة مع السيمانة الفايتة

خاصنا نلبسو كماماتنا ونحتارمو التباعد باش نتفاداو السدان.. نشرة كورونا النصف شهرية: مع القضية خفافت والسفر والعراسات رجعو.. الإصابات طلعو ب61 فالمية والموت ب7,7 بالمقارنة مع السيمانة الفايتة

كود كازا//

عرف المغرب ارتفاع ملحوظ فالإصابات والموت، فالفترة الممتدة ما بين 22 يونيو حتى ل5 يوليوز 2021، من بعد أيام من استئناف الرحلات البحرية والجوية، بحيث طلعو الإصابات ب61 فالمية، والموت ب7 فالمية، بالمقارنة مع حصيلة السيمانة اللي فاتت.

أما بخصوص المنحى الوبائي الأسبوعي، قال عبد الكريم مزيان بلفقيه، رئيس قسم الأمراض السارية فوزارة الصحة، أننا سجلنا زيادة ب61,1 فالمية هذ السيمانة بالمقارنة مع السيمانة لي فاتت، بحيث سجلنا  هذ الأسبوع 4874 إصابة، مقابل 3025 السيمانة اللي فاتت.

وبالنسبة لمنحى الوفيات الأسبوعي، فسجلنا ارتفاع فيه كذلك بالمقارنة مع الأسبوع اللي فات، بحيث سجلنا 42 وفاة هذ المرة، بينما كنا سجلنا قبل 39.

وبخصوص عدد الوفيات حسب الجهات، كتجي جهة كازا سطات فالمقدمة ب14 وفاة، بعدها سوس ماسة والرباط سلا القنيطرة ب5، ومراكش آسفي وفاس مكناس وطنجة تطوان الحسيمة 4، و2 فكل من العيون ودعة تافيلالت، ووفاة وحدة فكل من الداخلة واد الذهب وكَلميم وادنون.

أما بالنسبة لإيجابية التحاليل، فجهة كازا سطات فهذ السيمانة كتجي فالرتبة الأولى ب10,44 فالمية ديال الإيجابية، كتجي بعدها جهة العيون الساقية الحمرا ب9,82، ثم جهة مراكش آسفي ب8,15 فالمية.

وتسجل ارتفاع فعدد المرضى اللي كاينين فأقسام الإنعاش، بحيث فالسيمانة اللخرة، طلعنا من 207 حالة ل236 حالة، بينما تحدد عدد الناس اللي كيديرو التنفس الاصطناعي الاختراقي ف3 مصابين.

وبالنسبة لترتيب المغرب عالميا وقاريا، أكدات وزارة الصحة فنشرتها أن المغرب بقى كيحتل الرتبة 43 عالميا فعدد الحالات، ونزل برتبة فالموت والشفات، بحيث ولى للرتبة 47 فعدد الوفيات، و50 فعدد الكشوفات.

أما على المستوى الإفريقي، بقى المغرب فالمركز 2 فالإصابات والكشفات، والمركز 4 فالوفيات.

موضوعات أخرى

29/07/2021 17:30

حرمان طلبة الطب من “منحتي” ورطات أمزازي مع رئيس الحكومة.. شكايات كثيرة نزلات على رئاسة الحكومة والبرلمانيين كاعيين على التأخر فحل المشكل

29/07/2021 16:50

عبد النباوي: مؤسسة قاضي الإتصال اللي دارها المغرب كاتساهم بزاف فـ تنسيق المجهودات بين السلطات القضائية الوطنية والأجنبية