عن فرانس بلو ///
بسبب التحرش٬ إدارة مهرجان دوفيل للسينما الأمريكية غيعفيو برونو بارد مدير مهرجان دوفيل افاد موقع “France Bleu” ان إدارة مهرجان دوفيل للسينما الأمريكية غيحيدو مدير مهرجان دوفيل بسبب التحرش. هاد السيد كان المدير الفني لمهرجان مراكش للفيلم لسنوات
واوضح الموقع ان برونو بارد متهم بالتحرش والاعتداء الجنسي بحيث اتهموه سبعة ديال المساعدين ديالو، بارتكاب “سلوك غير لائق وإذلال وعنف جنسي” بين عامي 2014 و2023.
وأضاف أن بارد كيقول انه عندو سلوك لاتيني ومولف يمدح الناس ولكن كينفي “أي لفتة أو أي تحريض ذي طبيعة جنسية”، ومن جهتها، تقول شركة Hopscotch، الشركة المنظمة للمهرجان، انها “تأخذ هذه الشهادات على محمل الجد”، مؤكدة “أنه لم يتم الإبلاغ عن أي بلاغ سواء لفرق الموارد البشرية بالمجموعة أو إلى ممثلي التحرش. وقد تم جمع فريق Public Système Cinéma من قبل الإدارة”. من لعبة Hopscotch، تقرر تفويض منظمة مستقلة من أجل إنشاء نظام للاستماع ودعم الموظفين. واشار ان الدورة الخمسين لمهرجان السينما الأمريكية مغتأثرش بهادشي وغتتنظم فالفترة من 6 إلى 15 شتنبر
هاد برونو بارد غادي يكون دار فضايح فالمغرب. دابا خاصنا نعرفو هاد المتحرش المتكبر اللي كان حقير فتعاملو مع لمغاربة اش دار لبناتنا اللي خدمو معاه.
تعليق:
فالصورة اللي مع المقال. برونو بارد مع صديقو فيصل لعرايشي نائب رئيس مؤسسة مهرجان مراكش وصديقتو ميليتا توسكان دو بلانتيي مديرة المهرجان. هنا كانو تحالفو ب3 ضد الراحل نور الدين الصايل حتى هو كان نائب رئيس مؤسسة مهرجان مراكش.
