كود سبور//

تحكم على البرازيلي داني ألفيس بالحبس اليوم الخميس، فقضية الاغتصاب المتهم بها فاسبانيا.

وحسب وسائل اعلام اسبانية، فمحكمة برشلونة صدرت الحكم ديالها صباح اليوم الخميس 22 فبراير، على داني ألفيس بالسجن 4 سنين و 6 اشهر، بعدما ثبت تورطه فالاعتداء الجنسي على بنت ليلة 30 دجنبر 2022 فبواط دو نوي. وتحكم عليه ب100 الف يورو غرامة

نفس المصدر وضح ان جميع الاطراف من المنتظر يستانفو القضية، سوا الادعاء اللي كيطالب بالسجن 12 عام، سوا دفاع داني ألفيس اللي كيطالب ببراءة الموكل ديالو.