الرئيسية > آش واقع > خاصنا نخافو. طاشرون من بام وجدي باغي يملك گاع الداخلة. بعد الڤيلات بنى كلينيك كبير
02/03/2021 08:30 آش واقع

خاصنا نخافو. طاشرون من بام وجدي باغي يملك گاع الداخلة. بعد الڤيلات بنى كلينيك كبير

خاصنا نخافو. طاشرون من بام وجدي باغي يملك گاع الداخلة. بعد الڤيلات بنى كلينيك كبير

كود الداخلة ///

الطاشرونات اللي ولاو ملايرية كيخلعو. واحد البامي اسمو هشام الصغير باغي يولي لكبير فالداخلة. رئيس المجلس الاقليمي لوجدة كيبنى دابا كلينيك متعدد الاختصاصات سماها “رياض الداخلة”.

مشروع بشراكة مع اطباء. كنعرفو فالمغرب مافيا الصحة ودابا تحالفو مع الطاشرونات واخا يكون المشروع مزيان٬ الواحد يسول اكثر من سؤال علاش فهاد المدينة وعلاش ماشي فمدينتو اللي كيرأس مجلسها الاقليمي

هاد لكلينيك غادي يكون فيها، 70 سريرا، وفيها خدمات محتاجاها ناس الداخلة من قاعة الأشعة، التشخيص بالصور، المستعجلات، الصيدلية، المختبر، الجراحة، الاستشارة الطبية، الولادة، طب الاطفال (..) ولكن كان احسن شراكة مع كلينيكات فلاس بالماس مع مستثمرين ولاد المنطقة على مشاريع جايبها بامي من وجدة لهاد لمدينة. كاينين رجال اعمال كثار فالداخلة قادرين على مشاريع مماثلة. علاش هادا بوحدو؟

موضوعات أخرى