گود سبور//
تصالح إدريس حنيفة رئيس الكوكب المراكشي مع مدرب الفريق هشام الدميعي، وهاذ الشي قبل 4 أيام من ماتش الفريق ضد الوداد الرياضي ضمن الدورة 16 من البطولة الاحترافية لكرة القدم، بعدما كانو تخاصمو بسبب المازوط ديال كار الفرقة.
وتجمعت لجنة الأخلاقيات التابعة للكوكب المراكشي البارح الثلاثاء فالعشية، وحسب النادي راه قدم هشام الدميعي اعتذار للرئيس إدريس حنيفة وطلب منو المسامحة على المشكل اللي وقع بيناتهم وتصالحو وطوار ملف هذا المشكل.
وكان إدريس حنيفة رئيس الكوكب المراكشي خرج ببلاغ قال فيه إنه كان عيط للمدرب هشام الدميعي باش كار الفرقة يدوز للسطاسيون يدير المازوط قبل ما يشدو الطريق للفقيه بنصالح يلعبو كاس العرش، والمدرب ما عجبوش هذا الشي وسبو وعايرو.