الرئيسية > آراء > حگرة كبيرة للمزاليط ! ماليها تا معنى انه لي سبا محلولين و الحماحم مسدودين ! راه نفس كورونا لي كاينة عند المزاليط هي لي كاينة فدوك ليسبا ! و احتمال الاصابة وارد فيهم بجوج ! يعني ممكن نحلو الحمامات و نراقبو العدد ديال الناس لي كايتواجدو فيهم او نفرضو جواز التلقيح مثلا ! اما باش نزيدو الزلط على التگليگة راه مابلانش!
27/09/2021 15:00 آراء

حگرة كبيرة للمزاليط ! ماليها تا معنى انه لي سبا محلولين و الحماحم مسدودين ! راه نفس كورونا لي كاينة عند المزاليط هي لي كاينة فدوك ليسبا ! و احتمال الاصابة وارد فيهم بجوج ! يعني ممكن نحلو الحمامات و نراقبو العدد ديال الناس لي كايتواجدو فيهم او نفرضو جواز التلقيح مثلا ! اما باش نزيدو الزلط على التگليگة راه مابلانش!

حگرة كبيرة للمزاليط ! ماليها تا معنى انه لي سبا محلولين و الحماحم مسدودين ! راه نفس كورونا لي كاينة عند المزاليط هي لي كاينة فدوك ليسبا ! و احتمال الاصابة وارد فيهم بجوج ! يعني ممكن نحلو الحمامات و نراقبو العدد ديال الناس لي كايتواجدو فيهم او نفرضو جواز التلقيح مثلا ! اما باش نزيدو الزلط على التگليگة راه مابلانش!

سهام البارودي – كود//

لي محلولين فالمدن المغربية كاملة ! الثمن زايد على الحمام الشعبي و الخدمة مختلفة نوعا ما و لكن فالعمق راه نفس الحاجة ! حمام كايتجمعو فيه الناس و كايغسلو ! بلا كمامة ! بلا تباعد ! الطيابات مايمكنش يديرو الكمامات حيت كايفزگو ليهم و حيت الخدمة ديالهم وسط السخون كاتفرض عليهم انهم يتنفسو بلا ماتكون الكمامة حاجز ! فحال واحد كايجري او كايسوگ البشكليطة مايمكنش يدير كمامة كذلك الطيابة !

وانا كانغسل تفكرت بلي الحمامات الشعبية مازالة سادة ! يعني لي عندو واحد ثلتالاف ريال ممكن يغسل فالسبا و يسخن فالصونا و يحك و يكمد عظامو ! و لي ماعندوش يدوش فدارو اذا هوا عندو الدوش و ماساكنش فبيت مع الجيران و طواليط مشروكة !

السدان ديال الحمامات و فالمقابل الحلان ديال les spa ! راه مايمكنش نفسروه الا بالحگرة ! حگرة للمزاليط من الشعب ! حيت نفس الكونصيبط ديال الحمام هوا هوا ديال السبا ! غير هذا بتلتالاف و ربعالاف و لاخور بعشرة دراهم و ميتين و ستين ! نفس كورونا ! نفس احتمال الاصابة ! نفس عدم احترام الاجراءات ! يعني ماكاين حتى شي سبب كايجوستيفيي انه واحد يبقا محلول و لاخور يتسد !

الحمام مرفق عمومي مهم لشرائح مهمة من المزاليط و ذوي الدخل المحدود و الاسر الكبيرة لي مايمكنش كل فرد فيها يخلصو عليه ربعالاف باش يغسل مراودو ! هادشي علاش كانتمنى يتحل فالقريب العاجل و يكونو طبعا اجراءات صارمة لضمان عدم انتشار العدوى فيه!

كان الزلط صاڤا موالفينو ! ولكن باش نزيدو الزلط على الوسخ راه لايلاها يالله !

موضوعات أخرى