كود – كازا //

مؤخرا حقن الفيلر للعضو الذكري ولى واحد من الإجراءات التجميلية لي عليها إقبال كبير عالميا وحتى فالمغرب، بعض الرجال كيبغيو يحسنو مظهرهم ويزيدو الثقة بالنفس بطريقة سريعة وبلا جراحة، ولي جربو العملية أكدوا أنها كتخليهم مرتاحين نفسيا أكثر وكيتحكمو فالحجم بطريقة طبيعية وآمنة.

حقن الفيلر كيعتمد على إدخال مواد معقمة تحت الجلد باش تزيد المحيط وتحسن الشكل، وهادي الطريقة كتكون سريعة حيث الجلسة كتدوم بين نص ساعة وساعة، والنتيجة كتظهر مباشرة، الإقبال على هاد التقنية كيتزاد خصوصا بين الشباب اللي باغين تحسين المظهر ديالهم بلا تعقيدات جراحية.

فالمغرب، بعض العيادات الخاصة والمراكز الجلدية وديال التجميل بداو كيعرضو هاد الخدمة، والثمن كيتراوح بين 4000 و12000 درهم للجلسة حسب نوع الفيلر والكمية والعيادة، النوع الأكثر استعمال هو هيالورونيك أسيد لأنه آمن وفعال، والنتائج كتدوم بين 12 و18 شهر، مع إمكانية تجديد الحقن حسب الرغبة.

المتخصصين كينصحو باختيار عيادة مرخصة وطبيب مختص فالتجميل أو جراحة المسالك البولية، والمتابعة بعد العملية باش تكون محافظة على النتائج، مهدي واحد من الناس لي جربو العملية صرحو لـ”كود”: “حسيت براحة نفسية كبيرة، والنتيجة كانت طبيعية وما حسيتش بأي ألم كبير” أما الزوجة ديالو عتيقة فشاركات الرأي وقالت “كاين فرق كبير فالثقة ديال راجلي، وبان لي تغيير إيجابي فالعلاقة ديالنا من بعد العملية .

الحاصول حقن الفيلر للعضو الذكري ماشي غير طريقة لتكبير الحجم، ولكن ولى سر باش الرجال يحسوا بالثقة براسهم ويرتاحوا نفسياً، والنتيجة كتبان مباشرة بلا جراحة ولا ألم كبير.