وكالات//

تعرضات نجمة تلفزيون الواقع الميريكانية المعروفة كيم كارداشيان لانتقادات كبيرة على السوشيال ميديا بسباب ولدها.

السبب ديال هاد الهجمة لي تعرضات ليها “كارداشيان” هي أنهم ختارو ولدها باش يدخل مع ميسي فالماتش الأخير ديال فرقتو أنتر ميامي مع “غالاكسي”.

وبان أن كارداشيان تدخلات بالمعارف ديالها باش تخلي ولدها هو لي يدخل مع ميسي واستغلات اللحظة وصوراتو وحطاتو ف كاع الكونطات لي عندها.

كيم دارت واحد البوست على إنستغرام كتقول فيه أن ولدها حقق الحلم ديالو باش دخل مع ميسي.

هاد البوست نوض عليها الصداع، وشي كيهاجمها حينت ولدها ولد ميليارديرات، وشي كيقول أنه من حقها وأمر عادي.