وكالات//

علنات السلطات فمدينة تشيواوا اللي فشمال المكسيك، أنها غرّمت فرقة موسيقية مكسيكية مشهورة بأكثر من 36 ألف دولار، حيث غنّاو أغاني كتمجّد العصابات ديال المخدرات.

فحفلة دارتها الفرقة “لوس توكانيس دي تيخوانا” نهار السبت، تقريباً ثلث الأغاني اللي غناو كانت من نوع “ناركوكوريدوس”، اللي كتشكر وكتْمجّد تجار المخدرات، على حسب ما قال المسؤول المحلي فمدينة تشيواوا، بيدرو أوليفا.

وقال أوليفا فواحد اللقاء التلفزيوني، حسب وكالة “فرانس برس”، بللي الأغاني كانت كتْمجّد الجريمة أو كتشير للمجرمين وناس كيخالفو القانون.

هاد الفرقة “لوس توكانيس” كانت ممنوعة تغني فمدينتها تيخوانا ما بين 2008 و2023، حيت كانو متهمين بأنهم قالو عبارات كتشجع جوج من تجار المخدرات فواحد الحفلة.