وكالات//

كتطالب المغنية والممثلة آريانا غراندي شركات الإنتاج والتسجيلات باش توفر العلاج النفسي للفنانين الشباب، وركزت على أهمية الصحة العقلية ف مسيرتهم المهنية.

في مقابلة مع بودكاست WTF مع مارك مارون، هضرات أريانا غراندي على التحديات اللي واجهتها منين دخلات عالم الشهرة وهي عندها 19 عام، وذكرت التأثير النفسي ديال الأضواء عليها، سواء من خلال الانتقادات لمظهرها أو الشائعات على حياتها الخاصة.

وقالت أريانا غراندي، اللي عندها 31 عام دابا، أن الشهرة ممكن تأثر بشكل سلبي على الفنانين، ووضحات أن الشركات الكبرى خاصهم يضمنو دعم للفنانين ف العقود ديالهم أثناء مسيرتهم ف عالم الترفيه، حسب تعبيرها.

وشددات على ضرورة توفير جلسات علاجية منتظمة للممثلين والموسيقيين الشباب اللي كيعانيو من ضغوطات كبيرة مع تزايد شهرتهم.