وكالات //

وجه الممثل المريكاني جون فويت انتقادات كبيرة لبنتو النجمة المريكانية المعروفة أنجيلينا جولي، بسباب الموقف ديالها من الحرب الإسرائيلية على غزة.

جون فويت دار فيديو  فحسابو على فيسبوك ووصف داكشي لي قالتو بنتو فمنشور سابق ليها بأنه “أكاذيب”.

الممثل المريكاني مكتافاش بهادشي، بل زاد وقال أنه “كيشعر بخيبة أمل كبيرة حيت بنتو مافاهماش مزيان شنو واقع”.

وقال بأن ما وقع هو “اعتداء على أرض الله وعلى أبناء الله، والجيش الإسرائيلي خاصو يحمي التراب ديالو وشعبو”.

هاد الممثل، لي معروف أنه عندو مشاكل مع بنتو وكان وقف ضدها في المشاكل ديالها مع راجها براد بيت، وموقفش عند هاد الحد، ووصف الفلسطينيين بـ”الحيوانات، لي مكفهموش معنى المساعدات لي كتعطاهم ودارو بيها السلاح بلاصت ميقسموها مع شعبهم”.