وكالات//
نفات مجلة “بيبول” التقارير اللي قالت أنه جراو على مغني الراب كانييه ويست وخطيبتو بيانكا سينسوري من حفل توزيع جوائز غرامي 2025، وأكدات أن الثنائي هو اللي قرر يغادر الحفل بالإرادة ديالو.
كانت شائعات انتاشرت بعدما بانو على السجادة الحمراء، كاتقول أن المنظمين طلبو منهم يخرجو، ولكن مصادر مقربة قالت أن كانييه ويست، اللي كان مرشح لجائزة “أفضل أغنية راب” عن أغنيته “Carnival” من ألبومه “Vultures 1″، دخل للحفل فترة قصيرة ومن بعد غادر منو للراسو.
إطلالة الثنائي خلقات بزاف ديال البوليميك، حيث كان كانييه ويست لابس حوايج كحلة كلها، في الوقت لي كانت بيانكا لابسة مونطو طويل من الريش الكحل.
ومن بعد خلاتو وكشفات عن لبسة شفافة بلون البشرة، بلا ملابس داخلية؛ وهاد الشي خلا ردود فعل كبيرة على وسائل التواصل الاجتماعي.
ووقفت بيانكا سينسوري قدام الكاميرات بثقة، بينما كان ويست باين عليه بللي كان أكتر تحفظ وكان مفضل يبعد على الأضواء