كود سبور//

رجع اللاعب المغربي الأصل انور الغازي يتدرب مع فريق ماينز الالماني بعدما كانت بعداتو ادارة الأخير من الفريق خلال الايام الماضية بسبب منشوراتو على الصراع بين إسرائيل وحماس.

وعلن ماينز الالماني عودة أنور الغازي للتداريب ديال الفريق ابتداء من اليوم الاثنين، واكد انه طلب المسامحة على داكشي اللي نشر خلال اجتماع داروه معه المسؤولين ديال الفريق وانه متبري من الأعمال الارهابية ديال حركة حماس.

وكانوا ماينز الالماني فرضوا على أنور الغازي يعتذر باش يرجعوه إلى الفريق بعدما هددوه انهم يجريو عليه، قبل ما ينشر هادي يومين سطوري مرة اخرى اكد فيه انه متضامن حتى مع الاسرائليين وباغي السلام فالشرق الأوسط.