الرئيسية > آش واقع > حيت العيالات مكايموتوش بزاف بالفيروس وأقل عرضة للإصابة.. أطباء فميريكان بداو يدگو للرجال هرمونات أنثوية باش يشافيوهم من كورونا
30/04/2020 07:00 آش واقع

حيت العيالات مكايموتوش بزاف بالفيروس وأقل عرضة للإصابة.. أطباء فميريكان بداو يدگو للرجال هرمونات أنثوية باش يشافيوهم من كورونا

حيت العيالات مكايموتوش بزاف بالفيروس وأقل عرضة للإصابة.. أطباء فميريكان بداو يدگو للرجال هرمونات أنثوية باش يشافيوهم من كورونا

كود- وكالات//

مجموعة من الباحثين لاحظو بللي العيالات هوما الأقل عرضة للإصابة بفيروس كورونا المستجد، والأقل عرضة للوفاة كذلك، وعلى هذشي فكرو لا تكون الهرمونات اللي كيفرزوها النساء هي السبب فالنجاة ديالهم.

وحسب صحيفة “نيويورك تايمز”، فانطلاقا من هذ الفرضية، جرات كلية رينيسانس للطب في جامعة ستوني بروك فنيويورك، مجموعة من التجارب باش تحقن الرجال بهرمون الأستروجين، الهرمون الأنثوي اللي كيساعد فتطوير وتنظيم الجهاز التناسلي للأنثى، وكيلعب دور مهم فالخصائص الجنسية لخرى.

وابتداء من السيمانة الجاية، غادي يختابرو الباحثين فلوس أنجلوس هرمون جنسي آخر موجود بشكل رئيسي عند العيالات، واللي هو هرمون البروجسترون، وغادي يحقنو بيه مجموعة من المصابين الرجال، ونتظرو النتيجة.

وقالت سارة كَاندياري، طبيبة مختصة فأمراض الرئة فمركز “سيدار سناي الطبي” فلوس أنجلوس، بللي 75 فالمية من مرضى العناية المركزة المصابين بكورونا رجال، وبالتالي كتشوف بللي من الممكن يكون السبب فهذشي هو الهرمونات، وقالت بللي غيجربو حتى على مصابين اخرين ذكور حالة إصابتهم بكورونا خفيفة ومعتدلة، غتعطى ليهم جرعات مختلفة من البروجسترون.

وهذ التجربة غتدار على 110 مريض ب”كوفيد 19″ كيزورو غرفة الطوارئ وعندهم اعراض بحال الكحة والسخانة وضيق التنفس، وغيشوفو القدرة دالهرمون فالتقليل من شدة المرض وإزالة العدوى، وبداو الاطباء كيعطيو للمرضى هذ الهرمون، والنتائج ممكن تبان فماي ويونيو جايين.

موضوعات أخرى

28/05/2022 18:30

خطة المغرب لتصدير الهيدروجين الأخضر إلى أوروبا ما مفرشاش بالورد. دراسة هولندية كشفات أن تكاليف الإنتاج ديال الوقود غادي تكون أغلى 11 مرة من الغاز الطبيعي

28/05/2022 18:00

مدابزة خايبة بين جوج عائلات ففاس سالات بجريمة قتل.. قاضي التحقيق هبط اليوم 3 متهمين لحبس “بوركايز” والقتال فعمرو 77 عام

28/05/2022 17:00

آه العرا هو الحضارة و الوضعية ديال المرأة في أي بلاد هي لي كتعكس التحضر والمدنية ديالها البلدان الحرة لي كيغامرو الناس بحياتهم باش يمشيو ليها راه المرأة فيها عندها حقوق كإنسان كامل الأهلية حر مسؤول على راسو وتصرفاتو

28/05/2022 16:20

قضية طبيب معروف ففاس اللي كان باغي يولد قاصرة ضحية اغتصاب سالات.. ها وقتاش غادي تحكم المحكمة وها شنو قال الدفاع ديالو