وكالات//
ف قضية نادرة بزاف، نوض واحد الحولي من فصيلة نادرة روينة ف ميريكان كلها، وخلا السلطات في البلاد في حالة استنفار.
هاد الحولي من فصيلة “ماركو بولو” المهددة بالانقراض، دخل لميريكان بطريقة غير قانونية عن طريق واحد الميريكاني سميتو “آرثر شوبارث”، وكشفاتو السلطات مللي قدر أنه يستنسخو ويبيعهم بأثمان كبيرة بزاف.
وحكمات المحكمة على شوبارت بستة أشهر ديال الحبس بتهمة تهريب واستنساخ فصيلة نادرة من الحوالا.
وكشفات التحقيقات أن شوبارت باع كل حولي مستنسخ من هاد الفصيلة بين 10 و14 مليون سنتيم، ولكن دابا البوليس منوضين عليهم روينة حينت كيشكلو تهديد للبيئة.
ومعروف على هاد الفصيلة أنها من أجود أنواع الحوالا في العالم، وهي مهددة بالانقراض بسبب الصيد الجائر والاستغلال ديال القرون ديالهم الواعرين وجلدهم الفريد من النوع ديالو.
