وكالات//

عاشو الركاب ديال واحد الطيارة غادية فرحلة داخلية في تايلاند بين بانكوك وجزيرة بوكيت السياحية، بعدما لقاو حنش حي في الصندوق دالباكاج.

على حساب ماقالت شبكة ” سي إن إن” الميريكانية، فالشركة علنات فبيان ليها أن الحادثة بصاح وقعات وكانت ف الرحلة(FD3015)  لي غادرات مطار دون موينغ الدولي في بانكوك، بتاريخ 13 يناير.

وأكدات الشركة كذلك أن الطيارة هبطات ف ديك الوقيتة نيت والفريق التقني والهندسي لي تابع ليها دار الفحوصات والمراقبة اللازمة.

وقالت الشركة أن هاد الحادث نادر ولكن واخا هكاك دربو الفريق ديالهم على بحال هادشي وعرفو كيفاش يتعاملو معاه.

ولكن واقعة قديمة أكدات أن هادي ماشي هي المرة الأولى لي كيوقع فيها هادشي، حيت سبق للركاب ديال نفس الشركة لقاو حنش فالطيارة ديالهم عام 2022.