كود سبور//

خرج حمزة الساخي لاعب الوداد الرياضي، كايتشكى من الوضع ديالو داخل الفريق، وأنه ما كايشاركش فالتداريب، وكايطلب الدعم من الجمهور.

ونشر حمزة الساخي سطوري على إنستغرام قال فيه: “كانحس اليوم بلي خاصني نهضر بصراحة، وراني كانعيش وضع داخل النادي صعيب علي تفهمو”.

وكمل الساخي، وقال: “دابا ما بقيتش كانشارك فالتداريب وما لعبتش حتى الماتشات الوديين قبل من الموسم وفالمعسكرات التدريبية، وصعيب علي التأقلم مع هذا الوضع، خصوصا ملي كاتكون ملتزم ومتحمس ومرتبط بهذا النادي”.

وزاد الساخي وقال: “بغيت نأكد لكم إن الالتزام والتفاني والرغبة ديالي باش نمثل هذا اللون ما تزعزعوش نهائيا، وغادي نكمل الخدمة ونحافظ على الاحترافية ديالي ونبقى متفائل، وكانشكركم على تفهمكم، وكرة القدم حتى هي قصة إنسانية وفشي وقت الاحداث كاتفوت حدود التيران”.