كود سبور//

واصل الدولي المغربي حمزة إگمان التألق مع گلاسكو رينجرز فالبطولة الاسكتلندية، وساهم في رباح جديد للفريق اليوم الاحد على سانت جونستون برسم الدورة 23.

وسالا الماتش بين گلاسكو رينجرز وسانت جونستون بنتيجة 3 لواحد، لمصلحة حمزة إگمان وصحابو، وكان المهاجم المغربي ورا تسجيل الهدف الاول فالماتش اللي ماركاه فالدقيقة 16، ومن بعدها زادو رينجرز الهدف الثاني بوسطة فاكلاف سيرني فالدقيقة 20، والهدف الثالث بواسطة محمد ديوماندي فالدقيقة 25، وسانت جونستون ماركاو الهدف الوحيد ديالهم فالدقيقة 54.

وبهذا الهدف اللي ماركا فماتش اليوم رفع حمزة إگمان عدد الاهداف ديالو في أول موسم مع گلاسكو رينجرز إلى 13 هدف، سجل 8 منها فبطولة أسكتلندا، وبهذا المستوى يوجه رسائل قوية للناخب الوطني وليد الركراكي باش يعيط عليه للمنتخب المغربي ويعطيه فرصة ديالو.