كود سبور//

كشف الدولي المغربي عبد الرزاق حمد الله السر وكيفاش جاتو الفكرة أنه يضرب بانينكا فبلانتي مع الفريق ديالو اتحاد جدة السعودي على الكول المغربي منير المحمدي حارس الوحدة السعودي فماتش ضمن البطولة السعودية، فمباراة تألق فيها ولد آسفي وعتق فيها الاتحاد من الخسران وربحو الماتش.

وسالا الماتش بنتيجة 2 لواحد لمصلحة اتحاد جدة على حساب الشباب، وهما الجوج بيوتا اللي ضربهم عبد الرزاق حمد الله جاب بالأول التعادل من بيلانتي بانينكا فالدقيقة 84، وضرب الهدف الثاني فالدقيقة 94، وهذا الشي سبقو تضييع النجم الفرنسي كريم بنزيما لبيلانتي حبسو الكول المغربي منير المحمدي.

ومن بعدما سالا الماتش قال عبد الرزاق حمد الله فتصريح له: “المحمدي تحداني ملي كنا فالمنتخب المغربي كان كيقوليا ما تقدرش تماركي عليا بانينكا وبقات فراسي وجات هذه الفرصة ودرتها لها”.

وملي زاد سولو الصحافي وقالها: “ولكن الفرصة جات فوقت صعيب”، قاليها: “ولا عليك حمد الله هذا”.