كود الرباط /////

كود الرباط /////

اش وقع مع حميد شباط الامين العام لحزب الاستقلال حتى كثرو الاجتماعات باش طالبو بابعاده؟
من سنة 2015 ونحن نحاول مع الأمين العام الأستاذ “حميد شباط” باش يتنازل نظرا على أنه الحزب من 2015 عندنا فيه مشاكل داخل الحزب، ولكن ما بغينا نبوحو بيها للشارع، لأننا متعاكبين فبايگة من الأمور مانا متفقين عليها لا في نطاق الحزب ولا في تسيير الحزب لا في الاجتماعات ديال اللجنة الوطنية للحزب.

وعلاش اليوم ماشي هادي عامين باش بدات المشاكل؟
من 2015 و2016واحنا فواحد دوامة داخل الحزب، الأغلبية ديال اللجنة التنفيذية ما تافقت على التسيير ديال الحزب، ولا على بعض الخرجات لي خرجها الأمين العام حميد شباط، نظرا أنه مايشاورنا، وهو أمين عام خاصو أي حاجة لاهي يعدلها خاصو يشاور اللجنة التنفيذية، لا في خرجاتو ولا في تسييرو للحزب. حنا نوبة نتافقو ونوبة نتعاكبو ولكن ما نبغو نظهروها للمناضلين أو للعموم ولكن الخلافات كاينة.

كنتم تفكرو تحلوها داخليا؟

ماشي نفكر، نفكرو نخلوه داخليا، ولكن عندنا دائما اجتماعات في الموضوع ومعاه هو شخصيا أنا بعد نكولك معاه هو شخصيا، ونكولهالو دائما: “أودي راه الحل فيدك”، معنى الحل فيدك ماشي ترجع أمين عام، لا الحل فيدك انك تفكر عنك تمشي، كنكولهالو كيفهاك: “أودي خاصك تستقال وتمشي وتوف”.

طبعا هادشي بدا يزيد ويكبر كلو وهو كان صرح شخصيا بدون يشاور معانا، صرح جينا للبلاطو ديال التلفزة وكنا كالسين معاه بدون يطرحها علينا، صرح بأنه إلى ما جينا الأولين لاهي يقدم استقالتو… هذا غير معقول كان خاص يحطها علينا ومنين خرج كلناهالو وكنالو ذا لي درت ماشي معقول، دبا إلى ما جينا الأولين خاصك تقدم استقالتك. دازو الإنتخابات الجماعية ما جينا الأولين وهو ما قدم الاستقالة. ومللي كال عنو عندو ولاية وحدة ويلا دار الثانية لا يعود مسخوط، وهو تكلم عنو ما دايرها هذي الاولى.

تمينا متعاكبين عل ذي الامور كلها، فاتو الانتخابات البرلمانية كلنا عنا بغينا ندخلو الحكومة، وطبعا متفقين معاه ماشي هو لي يديرها وحدو، باش يكون المعقول هو المعقول، وتافقت اللجنة التنفيذية كلها، لي بقا ماحضر معانا ولم يحضر الاجتماع سي “الدويري” و السي”السوسي” و “السحيمد اللي كان كان مريض، ولكن كاينة 24 لأن الأغلبية دائما هي 14.

وقلنا بأن غادي ينعقد المجلس الوطني وغادي نديرو مساندة الحزب لي جا الأول ودرناها ونعقد المجلس الوطني ودارها نظرا على أن المناضلين كاملين باغيين يدخلو الحكومة لأن الخروج منها كان غلط.

واش كان قرار خروجو من الحكومة ديال بنكيران قرار فردي؟
كان قرار فردي ونقول مللي ما شاور معانا فيه وكان قرار انفرادي 100% ديال شباط

وعلاش خدا هاد القرار واش عندكم السبب؟
ولكن ماعرفنا السبب لاش خرجنا من الحكومة، والاغلبية ماهي عارفة السبب.

وعلاش ما عمركم قلتو باللي راه قرار انفرادي ديال شباط وما عارفين الاسباب ديال هاد الخروج؟
طبعا هادي حنا عندنا فيها مسؤولية. حنا ما نتهربو منها. ولكن ما عرفنا السبب علاش خرجنا.

لحد الان مت عرفتو السبب؟
ايلى حد الان مانا عارفين السبب

واخا هاديك حكاية الفروج اللي كان قالها فالمجلس الوطني ما عطاتكم فكرة؟ =الفروج اللي جا عندو مول الفيرمة قال ليه ما تبقاش تودن فالصباح. ودازت ايام وكال ليه خاصك تبيض بحال البيضة وندم على النهار قبل القرار الاول=
اللا حنا ما عارفين لا فروج لا غيرو ما قالش لينا السبب وصافي. الى حد الان انا شخصيا ما عارف يمكن شي وحدين عارفين ونزيدك الاغلبية مانها عارفة

نرجعو لموقف الحزب بخصوص مساندة الحزب لحكومة بنكيران بعد ما عينو الملك مكلفا بتشكيلها يوم عاشر اكتوبر 2016. علاش قررتو تساندوها؟
جا المجلس الوطني وقال في قراره اننا مساندين الحكومة سياني فيها ولا مانا فيها.
مشينا وقلنا له أن يسكت فمو، ومشا ودار تصريحات حنا مانا موافقين عليها، قلنا له الا سكت فمك وصافي، وانا شخصيا قلت له ماتكلم.
كان تعيين لجنة فالمجلس الوطني لتسيير الحزب؟
فالاول تعينت انا والسوسي وهو =شباط= للمفاوضات مع العدالة والتنمية. ومشينا نحن الثلاثة وتكلمنا ومن فم انا ماتليت شفت العدالة والتنمية وهو جاها نوبتين عاكبنا، منين كام بذيك التصريحات كامت زوبعة داخل الأوساط كلها، لي حكا فيها التاريخ =بخصوص تصريحو حول موريتانيا= ولكن كيم علينا زوبعة لي استعملوها خصوم الوحدة الترابية لصالحهم، حنا اللجنة التنفيذية ماشاور معانا وأكدنا عليه باش يسكت

واش فهاد التصريحات كان يتشاور معاكم؟
لا لا لا ما تشاور معانا لا فهاد التصريح ديال موريتانيا لا خرجتو ففرانس 24. ما تشاور مع اللجنة التنفيذية. بعد هذه التصريحات، عقدنا المجلس الوطني استثنائي جمعنا كلجنة تنفيذية، فوقتنا مجمعين باش نجيك بمسلسل، نزل البلاغ من الخارجية كيقول راعي لواقع والواقع، خرجنا بالتضامن معاه لأن واحد منا =التضامن مع شباط= كلنا عنا مضامنين ودرنا بلاغ، ومشينا عند محمد بوستة الله يرحمو كنا مقرين نزوروه، وكالنا عن البلاغ هو ماهو موافق عليه، هو الأن في دار الحق. رجعنا للمقر ودرنا بلاغ وصورناه ومشينا. وفوقت درنا البلاغ كان معانا “توفيق حجيرة” و “كريم غلاب” و “ياسمينة بادو” وخرجو دارو تصريحات مع الصحافة ضد البلاغ الل وقعوه، طبعا هو حضرو معانا.

يعني كانوا موافقين على كلشي؟
طبعا. شخصيا قلت لهم ماديرو أي تصريح صحفي، ولكن كيف تعرف هاذي السياسة عادي مايكبرو الواحد. تم جمع المجلس وحالهم على المجلس الوطني. قلت لهم يا ودي منين تحيلهم خلى الأمور عادية لكن ماتهيشا، وتبع وكيقول لي اللجنة عندها شرط راه غادي تهدر معاهم وكذا، المهم ماكان لاش نديرو بلبلة داخل الحرب لذلك خاصك تخلي عنك الأمور عادية، وكتلو رانك الى درتها راني ماغاديش نمشي للمؤتمر، وراه المجلس دار خدمتو وخلي الأمر عادي، عاكبها خرجت 18 شهر كعقوبة، قتلو هذا “حكم عسكري”!! هذو راه سياسيين، كتلو الأحزاب كتلود للناس وتقلب عليهم وهوما كانو وزراء ديال الحزب، ومكاين حت شي حد مكيغلط، والله سبحانه وتعالى منين كتغلط كيسامحك، كتلو هذا راهو مايصح، غير معقول.

وباش رد عليك شباط؟
تعرف ان مشكلة عند حميد شباط٬ رغم انو صديقي مشكلته الوحيدة هي كلمتو ما يثبت فيها، كيدير معاك كلمة اليوم وصباحا كيولي فكلمتو، وهذي مشكلة كبيرة، وانا كلتهالو الى عاد عندك شي مستشارين خاصين راه خاصهم ينصحوك، وراه انت سياسي وخاصك تتراجع عن بايگة من الأمور، راهي ماهي شينة الى تراجعت عنها، راهي فضيلة لك، وأمين عام للحزب لو 90 سنة وانا نصحتو بايگة من النصائح يغير هو الله يهديه مابغا. لأن ندير معاه كلام يغير منين نمشو كيجي وبتگلب علنا، ماعرفت واش كاين حد يفتي عليه القرارات ولا طبيعتو ذاك نبتها، ونظن عنها ذيك طبيعتو كيتخذ القرارات بوحدو، وموالف يتاخذها بوحدو، شحال من مرة ما يكون نصاب القانوني لي هو 14 في اللجنة التنفيذية وكنكولهالو ولكن مكيسمع.

أظن أن عادتو ذيك هي، موالف كيكبظ قراراتو بوحدو بحال النقابة، وهذا لا يصح نحن كاملين أعضاء في الحزب نوبة نوافقو على شي ونوبة مانوافقو عليه، التسيير ذا هو والسياسة ذي هي، مشاو هوما للمحكمة وربحو وجينا للمجلس الوطني وتكابظنا معاه كلجنة تنفيذية، على شكون يترأس الجلسة تكابظنا معاه تكابيظا كبيرة، لي هي لداخل وسط المجلس وحنا طالعين الفوگ، ساعة ونصف وحنا متكابظين معاه، كمنا وتوافقنا وجا هو ونصل وعطينا تسعة أشهر، مشاو للمحكمة وربحو، وحنا راه دايما مجتمعين كنكولولو راه خاصك تستقال، جا هون ومعاه “الكيحل” وكتلو خاصك تستقال الحل فيدك.

اش رد عليك؟
قلنا لو حنا معاك وتمشي معزز مكرم وندافعو عليك ولكن الحالة لي ماشي بيها ظريك راهي ماتلات تصح.

سؤال: كنظن ان شباط يبحث عن ضمانات للخروج من الامانة العامة. كاينة محاكمة لاولادو ومشاكل كثيرة وخايف من الانتقام؟
انا ماكالي بغا ضمانات، باش مانكذب أنا ونكول شي ماهو حك، انا لي كتلو انو خاصو يتنازل والحل فيدو، كالي شنهو الحل؟
كتلو تتنازل عن الحزب، لأننا حن محاصرين ما متعامل معانا حد وذا كامل سببو تصريحات حميد شباط، أنا ما نبغيه ينضر ولا يتمس.

مشا بعد المؤتمر مشا فرانس 24 وحنا ماشاور معانا، ماجمعنا باش يكول انا كأمين عام راه غادي نمشي ل 24 نتكلم فيها بتاتا، ومنين جا انا لاحظت عليه ملاحظات وكلتهالو، كتلو مزيان انت مشيت دبا ماعندنا مانكولو ولكن خالگة أمور لي كلتها أربع نقط لي مزيانات، والاخر الا زايد مكان خاصك تگولو، كلتهالو شخصيا

وواش رد عليك؟
ما رد علي. قبل المجلس الوطني الأخير كنا جتمعين هون حنا الأعضاء اللجنة التنفيذية، كانو متعشيين هون عندي، واتفقنا معاه مباشرة وكلنالو لابد أن يخرج ثلاثة ديال الناس ولا جوج لي بغا هو، باش يسيرو الحزب حت المؤتمر القادم. تافقنا هنا، ومشينا مع الصباح للمجلس الوطني وعطا فعلا الإستثنائية، كتلو خاصك تسمي الأشخاص وفعلا سماهم، نور الدين مضيان و عبد القادر الكيحل” و عبد الله البقالي ومركنا ثلاثة من أجل المفاوضات ديال الحكومة، جا فبلدو هو “بوعمر تغوان” وبقيت “أنا” و “محمد سوسي” اوافق المجلس الوطني عليهم.

مع الصباح جاني مساج كيستدعيكم الأمين العام لحضور الجلسة، جيت من العيون ومشيت لدارو وتعشيت معاه وكان فدارو “الكيحل” و “مضيان” و “مكاوي” و “بنحمزة” كان أظن “تغوان” يغير خرج عنا وكتلو انت رانك ماتليت أمين عام ديا انت عضو اللجنة التنفيذية، رانك فوضت الناس وهوما لي ستدعاوني. الا كلتهالو انقلبت الدنيا وما فيها، كالي أنا باقي أمين عام، كتلو اسي حميد الله يجازيك راه كاين قرار ديال المجلس الوطني، انت دبا مشي تستراح، ولكن الى بغيت تهدر معاهم هوما هدر معاهم بلي بغيت هذو ناس ديالك، ولكن في التسيير هوما لي خاصهم يستدعاو وهوما لي يسيرو

سؤال: علاش مامشيتو القضاء لانو كاين على قرار المجلس الوطني؟
شوف، خاصك تفهم حنا داخل الحزب خصنا نحلو مشاكل بينا بدون قضاء، واحن مأمنين فيه ودايرين معاه السياسة طويلة باش هو يجي للمؤتمر ماتلالو والو ويتمزرا، ندورو كانا نقنعوه، لأن الأغلبية ديال أعضاء اللجنة التنفيذية مامتافقين معاه فذا الموضوع، ولكن كلهم صابرين عل نديرو أنور سياسية باش هو يتنحا بإرادته، حن باغيين الحزب يتم متگاني وماباغيين الحزب يتفرق ولا تكون فيه مشاكل، وبغيناه عو مللي يكون صديقنا وخونا ويبقى عضو في الحزب، ويفتح الباب أمام واحد ثاني كيف مادار السيد “عباس الفاسي”

وكيف وعد هو؟
اييه كيف وعد ه. وراه كلتهالو الى جيت وسطنا ودرت خطابك وتنازلت كدام ناس راه عادية وشرف لك، ولكن هو مشبث بالمنصب، ماكدينا نعدلو فيه شي، انا دايما منين نجي نعيطلو وننصحو منين نعودو وحدنا، وحت في اجتماعاتنا كننصحوه ونكولولو ذا لي عدلت وذا لي عدلت، وذي أمور سرية لي أنا ماغادي نگولها، ونحاول دايما تم بيني معاه صداقة ولاهي تم دايما بيني معاه، لأن هذي السياسة.. السياسة مافيها لا عداوة ولا كراهية، اليوم رانا نتكلمو وغدا مانتكلمو، يغير هذا لايعني عن مانا خوت ولا المحبة ماهي بينا ونكرمك وتكرمتي، ونظحكو ونلعبو عادي ذا طبيعي.

سؤال: متى وقعت القطيعة مع شباط؟
لا القطيعة ماهي كاينة، نظرا عنو علاش لأن هو ما استدعى اللجنة التنفيذية، ماكاينة قطيعة حنا مانا مقاطعين حد، هو لي خاصو يستدعي اللجنة ونجو ونديرو جدول أعمال والى وافقنا كأغلبية عليه الله يعاونو…

انتوما سبقتوه وولات عندكم اغلبية فاللجنة الادارية؟
أولا هو ماطبق قرار المجلس الوطني. خاصو يدعي للجنة التنفيذية وندريو الديموقراطية عبر التصويت. ما لي عطا التسيير لثلاثة لي خاصهم يسيرو الحزب حت ينعقد المؤتمر، لأن المؤتمر هو من له الكلمة الأخيرة
ثانيا شباط دار واحد الغلط، ودارو الناطق الرسمي للحزب عادل بنحمزة” ودارو عبد الله البقالي لي هو مدير جريدة العلم في المقال لي كال فيه فك الإرتباط مع العدالة والتنمية. لأننا لا أنا ولا هو يكد يكولها الى ما جمعنا المجلس الوطني هو لي يصادق على القرارات.

وبنحمزة أيضا صرح بها. وهذا غير معقول، هذا خرق للقانون، لأن حد خرق القانون راه تمس بيه، لأنك منين تعود عارف القانون وتخرقو إذن انت مسيت براسك.. حتى الأمين العام لي عارف قوانين الأحزاب وقوانين الإنتخابات هو خرق القانون هذا مس لو هو، واحد خصو يطبق القانون ويطبق الديمقراطية ومكاين حت مشكل.

سؤال: علاش مكانت عندكم ردة فعل أو تصريحات ضد هذه الخروقات؟
علاش ما عندنا ردة فعل؟ ما موافقين عليه. عطيت تصريح وكلت بأن هذا مايكد يصح، حنا منظمين كلجنة ودرنا جدول أعمال وغادي نجلسو في المقر ونديرو اللازم في الاجتماع المقبل.

نهاراش غادين تجلسو فالمقر باش ديرو اجتماع اللجنة التنفيدية؟
اذا اراد الله نجلسو فالمقر.

ماشي ايلى اراد شباط؟
مقر حزب الاستقلال ماشي ديال شباط ولا لي.

ولكن تسد عليكم؟
لا لا تسد المقر ولكن خاصو يبقى مفتوح. ما عندو الحق يسد المقر. مقر حزب الاستقلال اللي عندو 90 سنة مقر لجميع المغاربة. لا اظن ان شباط يوصل من التعنت باش يسد المقر

المرحلة المقبلة اش باغين ديرو. تدعون لاجتماع اللجنة التنفيذية؟

حنا دعينا اللجنة التنفيذية كلهم، واثبالنسبة لدبا، أعضاء اللجنة شباط واحد منهم، لأن هو الأن فوت اختصاصو. واحد من الاعضاء يجيو يديرو يراس اللجنة. اما الكيحل او البقالي او مضيان. ما عندنا مشكلة. وخاصنا نتكلمو فجميع المواضيع.

وايلى ما تفتح المقر فين ديرو الاجتماع؟
ذاك كلام ثاني مازال ما قايل فيه والو. ذاك وقتو مازال ما وصلتش.

واش غادي ترشح لمنصب الامين العام فالمؤتمر المقبل؟
اللا بتاتا.

غادي تدعم نزار بركة اذن؟
اللا باش ما تغطلوش ولكن راه نزار بركة هو ابن الحزب. سابقني انا فالحزب خلق وترعرع فالحزب وكان وزير المالية ديال الحزب. نهار خرجنا شباط من الحكومة كان الثاني اللي قدم استقالتو بعد قيوح. جابها نزار.

لكن ما عندوش الحق يترشح؟
اييه عندنا فصل فالقانون =الفصل 54= كيقول ما يترشح الا اذا كان عضو الامانة العامة. هاداك الفصل غير ديموقراطي.

هاداك فصل دارو عباس الفاسي باش يمنع الوفا من الترشح؟
شوف لا لا لا. الوفا كنعزو غير هو كان فصل ثاني ما ترشح الا اذا كان عندك ولايتين ومن بعد تغير وولى ولاية واحدة. جا وصافي حماية للجنة التنفيذية.

ماشي كان ضد الوفا؟
لا لا لا الوفا صرح قبل المؤتمر بيوم انو ما معني بهاداك المؤتمر. هادي شهادة للتاريخ.

واش باغيين تغيرو الفصل؟
طبعا نغيروه لانو غير ديموقراطي. بعد ذلك يترشح شباط ولا غيرو المهم تكون الديموقراطية.

ولكن شكون غادي تدعم؟
ما ندعم حد الا اللي وافقت عليه اللجنة التنفيذية. ما غادي نعود بحال شباط ندير قراري لوحدي.

علاش ما ترشحش؟
اللا ما باغي نترشح.

علاش؟
ما نقد نسير حزب الاستقلال.

لكن فمجلس المستشارين جبتي نص الاعضاء وجوج الجهات اللي عند الحزب جبتيهم كالجهة اللي انت منسق فيها للحزب؟
نصرح ليك ما نقد نسير حزب الاستقلال كامين عام.

والاسباب؟
حقاش حزب كبير.

واش تواضع منك ولاسباب صحية ولا علاش؟
ماشي تواضع مني ولكن الحقيقة ما نقر نسير حزب الاستقلال. حزب كبير

انت سيرتي وكتسير العيون بتعقيداتها القبيلة ومشاكلها وفيها المينورسو ،…. وما تقدر تسير حزب الاستقلال. كيفاش؟
سيرت العيون اللي هي ماهي حزب. هادا حزب فيه الشبيبة وفيه النقابة وفيه المجلس الوطني.
انا افكر ابدا فالترشح. اللي دارت اللجنة التنفيدية انا موافق عليه.

شكون تدعم؟
لحد الان الهم الوحيد عندنا هو يتزري او يدير الديموقراطية ولا بغى يترشح يترشح. يدير الديموقراطية ولا بغى يتنافس وربح حقو

الديموقراطية هي تغيير كوطا الجهات فالمجلس الوطني ؟
هادي دعاية اطلقت علي قالو باللي باغي 200 او 500 عضو فالجهات الثلاث للصحراء. لا لا. حنا فالحزب عندنا طريقة نتبعها. السوسي اللي المفتش العام للحزب ولا الامين العام السابق عباس الفاسي. الكوطا تاخد بعين الاعتبار عدد المنخرطين وعدد المستشارين او البرلمانيين.

الانخراط انا =كمنسق للجهات الثلاث بالصحراء= هو الاول والانتخاب نفس الشيء حنا الاولين. قلنا خاص المجلس الوطني نقسموه على حسب الاقاليم والجهات. ما نسبقو جهة عن جهة.

وقع اجتماع وختار هو لجنة فيها المكاوي =رحال= ومحمد سعود وعبد الله البقالي رئيس اللجنة التحضيرية للمؤتمر وفؤاد القادري ويديرو مقترحات. جازاهم الله خير دارو خدمة هائلة وقدمو 8 المقترحات لشباط الى حد الان قال عليها واعرة وما بث فيها.

اش فيها هاد النقاط؟
فيها تقسيم على حسب الاقاليم او المناطق تاخد بعين الاعتبار انتخاب 2015 و2016 والانخراط والجهات والسكان. فيها كلو. قلت لشباط اختار اي نقطة وحنا موافقين ولكن ما تختار اي نقطة ما يمكن.

علاش حقاش شي جهات بحال الدار البيضاء والرباط غادين ينقص عدد الاعضاء فالمجلس الوطني؟
ولكن قسماتو لجنة وهادي اقتراحات لا بد نختارو واحد منهم. اللي وافقت عليه اللجنة التنفيدية. قلت لو اختار اللي بغيتي وحنا معاك.

ما ختار لحد الان؟
ما ختار وما اعلن عن توقيت المؤتمر وقبله مؤتمرات الاقاليم. هادا كلو ماشي بنا يعطل المؤتمر. هو الان يخرج قراراتو بوحدو. شفتي ديال اللجنة التنفيذية.
الطامة الكبرى ان التعيينات يوقعها المدير العام للمركز =حزب الاستقلال= هاداك موظف ما عندو الحق يجري على اعضاء اللجنة التنفيذية. ثم كاين خرق حتى فالاقالة. مثلا الانصاري راه مازال ما تعينش فالمجلس الدستوري بحالو بحال باقي الاعضاء يعني مازال عضو اللجنة التنفيذية. خاصو ينصبو جلالة الملك باش يكون فحالة تنافي.