كود سبور//

وضح الرابور حليوة داكشي كايروج حول انه باغي يترشح لرئاسة الرجاء الرياضي، وقال أن النادي محتاج لرئيس يخرجو من الوضع الصعيب اللي كايعيش.

وعلى هامش قرعة “كاس افريقيا2025″، قال حليوة فتصريح له على حقيقة الترشح ديالو لرئاسة الرجا: “ماشي بصح غير ضحك، وهذا حلم، وأنا ما منخارطش والرجا غارقة ونتمناو إلى جا شي واحد مؤقت يدير خدمة مزيانة ولكن العام الجاي غادي ننخرط”.

وكمل حليوة: “اللي فات كنا مزيانين وهاد العام لا، والجمهور ما عاجبوش هذا الشي والمكتب حتى حد ما مسوق واللاعبين وما كاينش حتى التواصل وملي كايوقع هذا الشي ففريق كبير بحال الرجا علاش ما نوليش حتى أنا رئيس ؟ وحنا اللي بغينا هي شومبيونزليگ من دابا عامين ولا 3 سنوات”.