الرئيسية > آراء > حلقة عامرة ببزاف ديال الحقد و حشيان الهضرة ! واش غيرة ؟ واش حسابات بين “صاميد” و الرمضاني ؟واش انا سوقي فيك كمستمعة واش حضرتي لعرسو و لا لا ؟
11/02/2019 11:00 آراء

حلقة عامرة ببزاف ديال الحقد و حشيان الهضرة ! واش غيرة ؟ واش حسابات بين “صاميد” و الرمضاني ؟واش انا سوقي فيك كمستمعة واش حضرتي لعرسو و لا لا ؟

حلقة عامرة ببزاف ديال الحقد و حشيان الهضرة ! واش غيرة ؟ واش حسابات بين “صاميد” و الرمضاني ؟واش انا سوقي فيك كمستمعة واش حضرتي لعرسو و لا لا ؟

سهام البارودي – كود//

تفرجت مؤخرا فحلقة قفص الاتهام لي داز فيها صامد غيلان مع رضوان الرمضاني.

و لأول مرة فتاريخ البرنامج غانحس بالضيف هاز فقلبو على المنشط بواحد الشكل غريب.

صامد غيلان ! كانعقل عليه فاش كنت صغيرة كان حاضر بزاف فدوزام، كان كايبان لينا هوا داك الدريري القويفز ولد الوقت فواحد الوقت لي التلفزة كانو محتاكرينها الشيوخ، كايبان نقيقي، ستيل ديال داك التلميذ لي كايجلس القدام و ماماه كاتعطيه گوتي مزيان يديه معاه للمدرسة ! و غالبا كايكون عزيز على المعلمة حيت نقيقي و كايحفظ دروسو و كايدير مجهود باش يبان ” مجتهد”.

دازت الايام و غبر “صاميد”، غبر و بانو منشطين أخرين و منشطات نجحوا يديرو بلاصتهم فدوزام ! و منهم لي دار برامج حققات نجاحات كبيرة بالمقارنة مع “اجيال” ،غبر و نسيتو و مشا من بالي حتى لمؤخرا كنت فطنجة و هوا يبان ليا خارج من واحد لوطيل  ! سولت ختي الصغيرة لي عندها اليوم ثلاتة و عشرين عام واش كاتعرفي داك لي واقف فباب لوطيل ؟ قالت ليا لا ! تفكرت مع راسي بلي جيل نهاية التسعينات موحال يعرف شي واحد سميتو “صاميد”.

ماعليناش ! من يامات اجيال ! غانعاود نشوف صاميد مؤخرا فقفص الاتهام ! و كون غاماشفتوش و ماتفرجتش فديك الحلقة، كنت على الاقل غاتبقا عندي ذكرى مزيانة على داك السيد.

حلقة عامرة ببزاف ديال الطونسيو ! و بزاف ديال الحقد و بزاف ديال حشيان الهضرة و ضريب المعاني واخا ديك هيهيهي هوهوهو هاهاها لي كاتخرج مرة مرة ! لدرجة واحد الوقت كانقول مع راسي واش أنا جالسة فحمام ؟ واش صاميد ماكايحملش الرمضاني و جاي عندو باش يصفي معاه شي حساب ؟  واش حاقد على النجاح ديالو ؟ مالو على هاد العدوانية المجانية ؟ و علاش كايضيع ليا وقتي أنا كمشاهدة فهاد التخربيق الشخصي ؟

” انا كنت خدام فدوزام فاش كنتي نتا سطاجير” و ” نتا كنتي طروازيام آني فالمعهد مقاتل على المعادلة و انا كنت بروميار
آني و عندي البوم” ” أنا حضرت لعرسك ” ” أنت سفيه ” ! وايلي ! آش جاب هاد الهضرة للبرنامج ؟ آش جاب ” أنا حضرت لعرسك” للأسئلة ؟ آش هاد كمية للحقد و الغضب لي هاز هاد السيد فقلبو ! آش هاد الانا المتضخم على والو ؟

أنا فرأيي الرمضاني دار خير كبير فصاميد فاش نفض عليه الغبرة و خرجو للعلن من بعد ما مات ” عمليا” ، و عطاه فرصة يبان فبرنامج كبير و عندو متابعين كثار فحال قفص الاتهام و بلي أي منبر اعلامي اليوم غايهضر على صاميد و لا غايدير معاه استجواب و لا غايعطيه وقت راه غايدير فيه خير كبير و كبير بزاف و غايضخ فيه شوية د الأمل.

 البرنامج و المتابعين كان خاصو يبقا بعيد على الحسابات الشخصية احتراما للناس لي كاتفرج فيه بعدا ! و لا كاينة شي غيرة و لا شي حسد و لا شي حقد و لا شي حساب بين دوك جوج ديال الناس كون دارو شي قهوة مع بعضياتهم و فاراو المشكل ! و باش حتى الرمضاني يكون عندو حق الرد ، حيت من موقعو كمقدم كان مطالب انه مايتبعش الاخ لاخر فالهيت ديالو و يبدا يتعاطا معاه.

غير ساليت الحلقة و مع سمعت بزاف الضيف كايهضر على الغنى و انه عندو البوم و كايغني و كدا مشيت ضربت طليلة على يوتوب لقيت واحد الاغنية ديالو يتيمة الروفران ديالها كايقول :

الغربة صعيبة
مع الواليدة
فبلاد بعيدة
مدة طويلة

ههههههههههههههههه واو على كلمات عميقة! واو على الابداع !

خلاها مولاها ” الزين كايحشم على زينو ”

موضوعات أخرى