الرئيسية > كود سبور > حكيم زياش نجم نجوم الاسود عند المصريين. معلقينو مع نجوم افارقة خراين فلقواهي وكيعرفوه بزاف هنا
27/06/2019 11:00 كود سبور

حكيم زياش نجم نجوم الاسود عند المصريين. معلقينو مع نجوم افارقة خراين فلقواهي وكيعرفوه بزاف هنا

حكيم زياش نجم نجوم الاسود عند المصريين. معلقينو مع نجوم افارقة خراين فلقواهي وكيعرفوه بزاف هنا

كود القاهرة ///

حكيم زياش لاعب المنتخب المغربي لكرة القدم اشهر لاعب مغربي عند المصريين. هاد الشهرة دارها بسباب الموسم الكبير اللي دارو هاد العام ف”شامبيانز ليگ مع اجاكس امستردام. بسباب الاهتمام الكبير للاعلاميين الرياضيين المصريين بيه. لدرجة ان الحارس الشهير اللي ولى خدام معلق فاحدى القنوات قال مرة انو يتمنى يتصاب زياش قبل ما يبدا كاس افريقيا باش ايلى وقعات شي مواجهة مغربية مصرية ما يكونش حاضر فيها.

زياش كيزينو بيه لقهاوي ديالهم. فالقهاوي لكبيرة فالقاهرة اللي قادوها باش تتناسب مع كأس افريقيا للامم دارو من كل منتخب مشارك فهاد الكاس صورة لنجم. طبعا فتعلاق الصور كيف عاينات “كود” فقهوة اسمها “كوسطا” فشارع الجامعة العربية بالقاهرة٬ كاينين نجوم مشاهير تعطاتهم بلاصة مزيانة ونجوم درجة ثاني وثالثة مخبيين. حكيم زياش يتوسط المطعم القهوة اللي فيه الشيشة بحال كاع قهاوي مصر. قريب من نجمهم الكبير محمد صلاح. صورة زياش حاضرة كذلك من خلال ملصق فيه نجوم قلال للكاس.

بالنسبة للمصريين اللي تكلمات معاهم “كود” “زياش لعيب كبير” و”نجم سيكون له حضور فهاد الدورة من كاس افريقيا.

بعض المعلقين المصريين فالقنوات كيشكروه. شي وحدين مرشحين المغرب والسينغال فالفينال. اييه واخا كاين تعصب مبالغ فيه لمنتخب الفراعنة كاينين شي وحدين وهما قلال بزاف قالو باللي يتوقعو يكون المغرب والسينغال فالنهاية. كيقولوها حقاش المنتخب عندو واحد بحال زياش.

زياش يقدر ياخد بلاصة مصطفى حجي اللي مازال ما نساوش المصريين واخا هادي سنوات ديك البيت التاريخي اللي ماركاه ليهم ف1998. صعيبة هادي ولكن يقدر ايلي دار بطولة مجهدة فهاد الكاس الافريقية.

موضوعات أخرى