الرئيسية > آش واقع > حكيم الاشتراكيين الصبليون بونو: زهر بلادنا لكبير عندها احسن جار من 22 دولة من الجامعة العربية وخاصنا نتعاملو مع الرباط كجار مزيان وصديق ديال الصح
24/07/2022 10:30 آش واقع

حكيم الاشتراكيين الصبليون بونو: زهر بلادنا لكبير عندها احسن جار من 22 دولة من الجامعة العربية وخاصنا نتعاملو مع الرباط كجار مزيان وصديق ديال الصح

حكيم الاشتراكيين الصبليون بونو: زهر بلادنا لكبير عندها احسن جار من 22 دولة من الجامعة العربية وخاصنا نتعاملو مع الرباط كجار مزيان وصديق ديال الصح

كود هناء ابو علي ////

البارح قال الحكيم الاشتراكي الاسباني خوصي بونو اللي كان رئيس مجلس النواب باللي بلادو عندها زهر كبير ان جارها هو المغرب. بونو للي كان ضيف عند قناة “لاسيكستا”. السياسي الاسباني قال باللي عيى “شوية.. من هادوك اللي ديما هازين راية العداوة ضد المغرب”. واكد باللي  “الصبليون عندها زهر يهرس لحجر باش عندها احسن جار من اصل 22 دولة اللي كتشكل الجامعة العربية اللي هو المغرب”.

بونو قال باللي تقدر تنتاقد الرباط وهما يقدرو ينتاقدونا٬ ولكن واش عقلتو علي “الربيع العربي”.  اول اللي ردات على الاحتجاجات بالعصا والقمع. المغرب وسط هاد الشي ما دعاش للبوليس لقمع الاحتجاجات٬ بل دعا المواطنين لصناديق الاقتراع باش يصوتو على دستور جديد”. واعتبر هادا جواب “ديموقراطي” وتدبير ذكي للاحتجاجات.

الاشتراكي الاسباني دعا “الصبليون تتعامل مع المغرب كجار مزيان وصديق ديال بصاح”.

وعاد لتغيير موقف الحكومة الصبليونية برئاسة الاشتراكي بيدرو سانشيث٬ بخصوص الصحرا واعتبارو “قرار معقول” لان “ناس المنطقة طلع ليهم الدم من هادوك الحلول المقترحة فالامم المتحدة. محتاجين حلول منطقية.الحكم الذاتي تحت السيادة المغربية فصالح الشعب الصحراوي. شفتو هاد المقترح راه اعتارفات بيه امريكا وفرانسا والمانيا قبلنا٬ راه موقف عقلاني مقبول”
وشار باللي جبهة البوليساريو “ماشي منظمة ديموقراطية”

موضوعات أخرى

14/08/2022 19:30

خبار كذوب على قتل سائح فبني ملال قالب كولشي: الجريمة وقعات فتونس والبوليس ديالنا فتحو لونكيط باش يعرفو شكون واقف مورا هاد الخبار فايك

14/08/2022 18:30

فالوقت اللي الجزاير استوردات 11 مليار دولار من المواد الفلاحية ف 2021. المغرب صدر 6.8 مليار دولار ديال المنتوجات الفلاحية والبحرية