گود سبور//

وصل الدولي المغربي اشرف حكيمي نجم باريس سان جرمان الفرنسي للمغرب، باش يبدا المعسكر الإعدادي مع المنتخب الوطني المغربي.

اشرف حكيمي إلتحق اليوم الاربعاء فالعشية بمركب محمد السادس لكرة القدم فسلا، فين كاين معسكر المنتخب الوطني المغربي، وهذا بعد ساعات قليلة من صدور قرار محكمة النقض فرنسا بتأييد قرار احالة اللاعب على المحكمة فقضية الاغتصاب اللي متاهماه بها شابة فرنسية من عام 2023.

اشرف حكيمي ملي وصل لمعسكر المنتخب الوطني المغربي، كان كايبان مرتاح وناشط وعندو ثقة فراسو.

للإشارة فهاد العشية وصل حتى اسماعيل الصايباري لاعب بايرن ميونخ الالماني، وإلياس اخوماش لاعب فياريال الإسباني لمركب محمد السادس لكرة القدم.

https://m.facebook.com/story.php?story_fbid=pfbid032EwDRULUi8sVWS8VngW2zDsNiXRMg63FCKkEDDAktUyrjY99qV23Cp8tAQ9LUi5bl&id=100068414956053&mibextid=wwXIfr